Jan 06 – GAMALIDEJAKO KHUSHI

Geeder grandh 90:15 DEV hamena vela padayojako dadenan, ham bhaveti padgejako varser barobbar khushi vaju kares.

Manna khushi vaju kares, khushi avaju kares kajako vath jagema chajako heryek dallema bolajako boli cha. Velama rajako sejini khushir vajalema avanukan kelacha.

Mosey phutojako dallethi yee arajen karrocha. Manna khushi des kan yekkaj araj karrokoni lapan ham bhaveti padgejako varser barobbar khushi vaju kares kan araj karrojen dekacha.

Yisraeleval 400 varsethi jada Aigupthema bayar nai massaj vela pade. Vunder kam karayeval jada haayi denake. Yituka thayar Karen yekek haptha dhud sada dethe koni. Lapan vundader dad karnujako Kamen mathram puro karnu kan karathe. Athraj koni vunder bayapanemathi bhar ayejer pacha sada yek varas koni dee varas koni 40 varasethanu vunder mundag dudan magnaler ghee radan jayer desh Canaanen javunu katho kathraiko velabhavetimathi deju dekacha.

Jesaru Mosey DEV hamena vela padayojako dadenan, ham bhaveti padgejako varser barobbar khushi vaju kares kan Dever dai vinathi karrocha.

Padarejako vidhyarthi April meenama lakkojako parikshama haarjavatho, massaj manikya Ajji thu kai karechi? Kan puchetho vunden thu Ma Marchi meenama ghalajako parikshama jeethan mundag jayamethi javunchu kan bharosethi kevnu. Vorsaruj yek saatuva heryek dad Dithvarer Dado koni, heryek kothrana yek dad kajako cha kan kannai bhulnukoni.

Ajji jada dhyan Karen pado  Yohan 15:11