Jan 02 – Dinnanji S’idle!

“E GAMANGtung, mangba-Nam d’ong-len abdaiyarren, etteden anlen daiyarre a yertai. Purban a dinnanji ambrij tabme ayaman d’ong-len tiylen” (Edana 5:21).

Tabme minhum lingan abaduihtenan asan hen Kitungan a d’ong abgugutai do senkenratai. Kitungan d’ongben absittabenten. Do bangsa do asuyuman batte, egale amben asusuten tabme minhum lingan a tanurdun batte.

Bangsan batte abrubob-benten kan a minhum lingan, do a janzbjzban ambrij a banangsan do kuddub a suyuman kan tabme minhuman saring tiytaben. Kuddub bangsa janabanji batte tiytaben. Kitungan d’ongben raub-baban tiylaben.

Kan minhum lingan banangsan batte dakule mukkababen. Banangsa batte a tiylabenan asan, tagorbenji saru dele bo surda banangsan batte. Anten asan, omdiba a jingban adhage sikoija anabsittan do Anin a dakule a taniytiyan.

Tanimyimdam subscriber Antantulla Appam saring Tabme minhuman a lanim alimtaben. Giyo langale do bangsale ganabdilan dete. miyolan abmele janang handramtabe. Giyo a garamgam bo surda anabsitta lanangkaban saring. Kitungan nab o surda anabsitta tiylangten. Kan tabme minhum lingan bo bangsa minhum dete.

Bogad tagorben rojol delenden, kuddub god lingnam a d’ongan ayimben dete. Bibolan gamte: “Kuddub god-ling-nam Anin a d’ong abpemenga Etteden Anin tangor-namji abrojolte. Angante amben a surpid-damten kuddub god-ben amangban (Edana 5:21).

Tagorben saru dete do sanittan batte barij debenten. Bibolan gamte: Tabme minhuman Kitungan a s’i-ling do abgugule do senkenrale

Tanahimdam Kitungan a onagji, Kitunglen, bo surda panemengan batte, abdainabenten. Egale mukkababen anin yirte, tagor lingan hanaba er bantonglabe do man’oih uggaran batte.

Okiy Kinolbe absele: “Dajingte dinnan Aman d’ong-len kanalkalan tiylalen, do dajingte minhum anlen er banangsan a gijlai, dijte ayaman man’oihan tiylen” (Sanenken 90:15).