Dec 31 – ACHAMERKAM

Jashua 3:5 Savvar thamar vacha Prabhu achamero kam karevalo chajethi thamartham pavithar karlo kan Yehoshua jannen dekan ko.

Aaj yekkaj Dado dagarjavatho Navvo varsema adugu melacha. Aarambhathi akharithanu apaner hath jhallen Prabhu chalayocha. Haava Prabhu haal navaju yee jammipar achamethi banchadarocha katho vu Prabhur dayathij vocha. Jethi apaner puro dallethi Prabhu Yesuna sthuthi araadhana Maan mahima denaknu.

Savvar thamar vacha Prabhu achamero kam karevalo chajethi thamartham pavithar karlo kan Yehoshua jannen dekan ko. Yeej Yisraelevalen 40 varas aranyamema chalayo. Soganer jammi Canaanema adugu melenijer aanga vunden vo pavithar karlenu. Hannu pavithar karlidejanaj vunder mundag Yordhan nandij yekkaj jag thamgi.

Athra pavitharethi revunu katho Mathai 6:33 vachanema chaju agediya Prabhur niyathena vor rajyamen dhunder seeklenu. Janna apaner mundag kassek savaal rathoi vu thamsakkeni.