Dec 31 – ACHURIT!

Joshua 3:5  “aru Joshua koishe mnau khan ke, “sapha koribi nijor ke, kilekoile kali Isor pora koribo achurit apuni khan majete”.

Aji ase hekh din itu saal laga. Isor pora dhuri she apuni laga hath ke aru loi jaishe apuni ke pura saal; shuru pora hekh tok saal laga. Tai pora korishe dangor bishi achurit aru chin khan  apuni karone. Itu ase dikkhipaa anugrah  ki apuni ke khotom kori diyanai mati te jiyai thaka khan laga . itu ase Tai laga daya  aru morom ki Tai bachai rakhishe apuni ke iman deri tok swasth, tagot aru bhal logote.

Itu karone, agete apuni naghusa laga notun saal te, bohibi theng te isor laga aru prashansha koribi aru dhonyabaad koribi Tai ke pura apuni laga mon logote. Tai ase khali ekta jun ase hakhdar pabole sob prashansha ke, mahima ke aru anugrah ke.

Joshua koishe tai laga manu khan ke, “sapha koribi nijor ke, kilekoile kali Isor pora koribo achurit ke apuni khan majate”. Israelites khan  jun berai thakishe jongol te chali saal nimite, sapha koribo lagishe nijor ke agete tai khan naghusa te pratigya diya laga mati te Canaan laga.a ru jitya tai khan sapha kori loishe nijor ke, pani Jordan laga juntu ahishe upor laga jharna pora, kati dishe aru tai khan khara korishe tate.

Apuni ke ase notun saal agete apuni laga. Toh, sapha koribi nijor ke, aru apuni dikhibo achurit aru chin khan ke son apuni laga gehrav te pura notun saal te. Isor Israel laga ase mahaan; Tai ase jita laga;a ru Tai jabo agete apuni laga. Yojna te Isor laga, tai poila akha kore pobitrota;a ru tini hoile Tai kore mahaan achurit khan te apuni laga majete. “hoilebi bisaribi poila rajyo ke isor laga aru tai laga dharmikta ke, aru sob itu samaan khan ke milai dibo apuni ke” (Matthew 6:33),.

Manu khan akha kore chin khan ke aru achurit khan ke Isor pora. Kunuba khan koi, judi khali ami laga bimar bacha hoi changai itu rog pora aru pai bhal swasth ke, tini hoile ami akhibo ami laga biswas ke Jisu te. Hoilebi akha  isor ke kora tu ase alag. Tai ase hodai icha koribole chamatkar khan ke aru bodli bole apuni laga jibon ke, hoilebi tai ase hudi kene judi apuni tayar ase ghuribole dur apuni laga biya rasta khan pora aru tayar koribole jiyabole ekta pobitro jibon ke?

din khan te Joshur alaga, tate thakishe dangor baar Jordan te aru pani khan uposi thakishe sob itu laga kinar khan ye. Aru Jordan paar kori kene, tate thakishe satta biya desh khan, aru ektis tagotwar raja khan tayar hoi kene lorai koribole tai khan logote. Aru Israelites khan sapha koribo lagishe nijor ke, samna koribole sob utu chunoti khan ke aru jitibole tai khan laga raja khan te.

Khali judi apuni loi jai ekta pobitro jibon ke apuni paribo jitibole satan ke; bhangabo paribo bandha ke jadu laga; hobo paribo jit khilaf te atma khan laga bebichari laga aru jadu khan laga; aru chipi bo paribo biya yojna khan ke biya manu khan laga. Apuni laga pobitro jibon ase apuni laga gawahi.

Bacha khan isor laga, jabole karone jit pora jit te notun saal te, pura dibo lagibo nijor ke pobitrota te. A ru apuni dikhibo ki achurit khan Isor laga.

Aji dhyan koribole laga pobitro ktoha tu hoile Revelation 12:11 “aru tai khan jitibo parishe tai ke khun dwara Memna laga aru byko pora tai khan laga gawahi laga”.