Dec 30 – SHRESHATHA CHRISTMAS LAGA!

Luke 2:31-32 “kintu ami laga suku khan dikhishe Apuni laga paritran ke juntu Apuni tayar korishe agete chehra laga sob manu khan laga”.

Ki ase shreshatha Chrsitmas laga? Christmas ase botor dikhipa laga ami khan laga Tarankarta ke jun jonom loishile ekta shishu hoi kene. Aji, tat ease bishi jun pahore Krista ke aru harai jai tyuhar khan te botor laga. Tate ase bishi dhyan di kene khai kene khushi kora,

Hoilebi apuni khan icha kori kene sabo lage Krsita ke itu sob tyohar khan pora uporte, aru jhuki bo lage agete Tai laga sob homoi te. Hobole dibi hosa uddesh ke Tai jonom hua laga itu prithibi te pura hobole apuni laga jibon te! Apuni paribo pabole ashirbaad khan ke Christmas botor laga, judi apuni dhyan kore kile Tai ahishe niche prithibi te; aru ki rakhi ken ease apuni karone dinkhan te Isor laga.

Utu din khan te, jitya ami khan manai Isor laga poila aha ke itu prithibi te, ami khan kaam ase aru zimedaari bi tayar hobole Tai laga dusra aha te. Taia hishe ekta shishu hoi kene aru putro Mary laga. Hoilebi Tai laga dusra aha te Tai ahibo ekta raja laga Raja hoi aru isor laga Isor hoi kene.

Athwa din te Tai jonom hua laga,Mary aru Joseph  anishe Tai ke Jerusalem te dibole Tai ke isor ke. Tai khan laga dukhiya te bi tai khan anishe jora kopu laga uphar dibole daan te. Jitya Jzisu ke anishe mondirte ISsor laga, khali duita bura manu khan janibole parishe Tai ke messiah koi kene. Ekjon tu thakishe Simeon  ekta dharmik manu, rukhi thaka Israel karone; aru dusra thaishe Anna ekta nabi maiki. Khali jun khan thakishe drishti dikhai diya laga ki Tai ase Krista; Messiah.

Kinika Simeon janibo parishe Jisu ke? Itu kilekoile Pobitro Atma thakishe tai uporte; aru itu tai ke dikhaishe Pobitro Atma pora ki tai nadikhibo mrityu ke jitya tok Isor Krista ke nadikhe. Aru tai ke loi jaishe Atma pora  thakibole mondir te utu iki homoi te

Jonom isor laga anishe paritran ke khali Israelites khan ke nahoi; hoilebi pura prithibi ke. Itu karone kile Simeon  naam dishe Tai ke ‘Paritran’. Itu naam Jisu mane ase bachi ja. “apuni matibo Tai laga naam Jisu, kilekoile Tai pora bachabo Tai laga manu khanke tai khan laga paap khan pora” (Matthew 1:21).

Itu hosabi ekta khas avsar ase aru ashirbaad lobule Krsita ke apuni laga hath te. Simeon loishe Isor Jisu ke jun thakishe pura Brahman ke Tai laga hath te. Tai loishe tai laga hath te, Isor jun koishe, “swarg ase Ami laga rajyo, aru prithibi ase Ami laga then rakha jaga”(Isaih 66:1).

Bacha khan Isor laga kiman bi dangor avsar ase thakibole Tai ke apuni laga hath khan te, Isor Jisu jun nirmaan korishe suraj, chandh aru hazaar ta tara khan ke!

Aji dhyan koribole laga pobitro kotha tu hoile Isiah 25:9 “thakibi, itu ase ami khan laga Isor; ami khan rukhishe tai karone, aru Tai pora bachabo ami khan ke. Itu ase Isor; ami khan rukhishe Tai karone; ami khan hobo khushhi aru anondo Tai laga poritran te.