Dec 29 – TISRA UPHAR!: LOBHAN!

Matthew 2:11 “aru jitya tai khan ahishe ghor te, tai khan dikhishe jawan shishu ke Mary Tai laga ama logote, aru girishe aru seva korishe Tai ke. Aru jitya tai khan khulishe tai khan laga tijorike, tai khan dishe uphar ke Tai ke: sona, sughandhit dhup aru lobhan”.

Lobhan (Myrrh) ase tisra uphar buddhimaan manu khanlaga Krista Jisu ke. Lobhan ase chin Isor dukh bhuga laga aru mrityu laga.

Buddhimaan manu anishe lobhan ke homoi te Isor jonom laga: aru Nicodemus anishe itu ke homoi te Isor mrityu laga. Sabi kinika dhyan pora tai khan chunishe uphar khan ke jun jonom loishe moribole karone.

Lobhan ase ini saman kunuba khas gash laga. Itu kismis ke bonai, jitya utu gash ke ulai tai laga chamra ke dhar chaku pora. Jinika lobor ulai, jitya lobor gash ke kate, lobhan bi ulai ahe lobhan gash pora, jitya itu ke ulai nahoile kate. Itu haldiya rong laga kimis pora diye mitha gunh.

Isor Jisu thakishe lobhan Calvary laga Kruste; aru balm Gilead laga. Tai ke marishe aru chipaishe; tai ke thukishe; aru mukut lagai dishe kata khan logote. Tai ke chenda kori dishe gojal logote; aru chipai dishe dukh bhugibole. Hoilebi sob itu khan ane bahar mitha gun ke Tai laga divya charitra pora. Tai khali koishe prathana “Baba, khma koribi tai khan ke”. Hoi Isor Jisu ase hosabi lobhan.

David saishe isor ke aru koishe, “apuni morom kore dharmikta ke aru ghrina kore biya ke; itu karone Isor, apuni laga Pormeshwar pora abhishekh korishe tel logote morom laga apuni laga stahi khan pora bi” 9Psalm 45:7).

Lobhana se chin gehra prathana jibon laga; aru anurodh laga. Hannah junke uksaishe nirantar tai laga dushman  pora, polaishe dhip te Isor laga; aru dhalishe tai laga tita ke mon laga, kandi kene prathana pora. Lobhan ase utu kisim laga binti aru anurodh.

Lobhan ke dishe ekta uphar hisab te Isor ke, kobole ki Tai uthibo ekta mahaan prathana sena hoi kene. Judi apuni piche kore inika prathana jibon ke, tini hoile utu hobo sobse bhal uphar apuni dibole para isor ke.

Nathakibo pare apuni ke sona, sugandhit dhup nahoile lobhan apuni logote. Hoilebi uphar dibi  utu ke juntu ase bishi kimti sona pora bi, juntu ase hosa laga biswas (1 Peter 1:7). Rakhibi apuni te naam Jisu laga juntu ase dangor chandi aru sona pora bi(Acts 3:6).

Jitibi atma khan ke aru dibi tai khan ke uphar nishina Isor ke. Lobi mantralaya ke Isor laga juntu ase jinika sugandhit dhup nishina. Khara koribi utu duri ke Isor Jisu aru apuni majete thaka te,a ru binti koribi prithibi nimite juntu khotom hoi ase. Apuni laga binti prathana ase sobse bhal uphar juntu apuni dibole pare Isor ke.

Aji dhyan koribole laga pobitro kotha tu hoile Hebrews 5:7,10 “kun, din khan ke Tai laga gau laga, jitya Tai uphar dishe prathana aru anurodh khanke bishi kandi kene aru suku pani loi kene Tai ke jun pare bachabole Tai ke mrityu pora,a ru hunishe kilekoile Tai laga Isoriya bhoi ke,a ru matishe Isor pora ekta uncha Pondit hobole “hisab te Melchizedek laga niyom te”.