Dec 27 – POILA UPHAR: SONA!

Matthew 2:11 “aru jitya tai khan ahishe ghor te, tai khan dikhishe jawan shishu ke Mary logote Tai laga ama, aru girishe niche aru seva korishe Tai ke. Aru jitya tai khan khulishe tai khan laga tijori ke khuli kene, taikhan dishe uphar Tai ke: sona, sugandhit dhup aru lobhan”.

Itu uphar sona laga dikhai rajasi  aru sorkar. Siloni tu ase raja chiriya khan laga; aru hingo ase raja janwar khan laga. Itu nishina hi son ase chin rajasi sorkar laga; aru itu laga raj ase dhati khan laga. Khali sona ke uphar diye mahaan aru dangor raja khan ke, ekta morom sonman laga.

Jisu Krista jonom loishe ekta raja hoi kene; rajyo te morom laga. Tai dabi koranai manu khanke tai laga sena khan logote hoilebi raj korishe Tai laga achurit morom logote ami khan laga mon te, juntu bonai ekta bhag Tai laga rajyo laga. Aru Krus te Calvary laga Tai laga rajyo laga.

Jun khan diye tai khan laga mon khan ke Krista karone raj koribole itu prithibi ke, raj koribo Tai logote hazar saal karone . ami khan laga isor Jisu ase Raja raja khan laga; hodai din laga Raja. Ki itu thik ase dibole sona ke Tai ek jun raj kore ami khan ke hodai din karone?

Isor pora dishe bagicha ke Eden laga manu ke, aru dishe tai ke adhikaar pura jontu khan uporte. Tate thakishe ekta nadi bi juntu jaishe pura mati te Havilah laga, jote thakishe sona. Aru pobitro kotha te koi sona utu mati laga ase bhal (Genesis 2:11-12).

Isor Jisu loishe roop ke manu; dusra Adam hoi kene; aru raj koribole sob uporte. Buddhimaan manu ahe Tai ke tezi pora ekta nadi nishina, aru diye sona ke ekta uphar nishina. Utu uphar dwara, tai khan chupchap seva kore Isor ke aru koi, “Isor, Apuni ase raj koribole pura bharmaan ke, aru apuni ase sobse uncha adhikaaari uporte sob saman khanlaga swarg aru prithibi te”. Ahibi ami khan bi janibo Tai laga rajasi ke aru jhuki bo aru seva koribo Tai ke.

Agete itu pura shudh sona nabona agete, utu dhati paar koribole lage bishi  gorom ke, sapha hobole nimite. Itu nishina hi Krista jabole lagishe iman bishi porikha aru dukh khan ke, agete Tai raj nakora laga Baba Pormeshwar laga dahina hath te. Aru uphar itu sona laga bhal pora dikhai itu ke.

Kiman achuri ase utu sona ki dishe ekta uphar hisab te Isor Jsu ke! Itu ke bonaishe ekta drishti pora ki tai sona hobo; aru jilikibo sona nishina. Sona ase chin rajasi laga; jiliki thaka porikha te bi; aru pobitrota karone.

Itu karone, itu bishi jaroori ase ki biddhimaan manu pora chunishe shudh aru kimti sona ke tai khan laga uphar hisab te isor kaorne

Aji dhyan koribolem laga pobitro kotha tu hoile Zechariah 13:9 “ami porikha lobo tai kghan ke ekta sona jinika. Tai khan matibo Ami laga naam ke, aru ami jawab dibo tai khanke. Ami kobo, ‘itu ase Ami laga mnau; aru sob jon pora kobo Isor ase ami laga pormeshwar”.