Dec 19 – JITYA TAI UTHISHE!

Genesis 9:24 “toh Noah uthishe tai laga dagras nisha pora”.

‘noah ase poila manu junke matishe ‘nyay manu’, pobitro kotha te. Itu naam ‘noah’ mane ahram. Noah tu thakishe grandson Methuselah laga- jun thakishe dos gushti Adam laga; aru putro Lamech laga. Isor pora dikhishe ki biya kaam khan manu laga thakishe dangor prithibi te,a ru ki sob icha khan aru bhabna khan tai mon  laga thakishe biya nirantar. Isor mon dukh korishe taikhan laga mon te aru faisla loishe  khotom koribole prithibi ke. Hoilebi Noah paishe anugrah ke Isor laga nazar te. Toh, noah bachishe, jinika tai ke paisxhe hobole dharmik; beraishe isor logote;a ru prachar korishe dharmikta ke (2 Peter 2:5).

Isor adesh dishe Noah ke bonabole ekta nau bachabole nijor ke, tai laga porivar ke aru sob jiyai thaka jontu ke. Pichete Noah bonai hua ten au ke, isor jama koraishe sob jiya thaka janwar ken au te,a ru Isor nijor hi bondh korishe tai khan ke bhitor te.a rut ate thakishe dangor baar prithibi uporte.

Amikhan porhe Noah laga kotha ke bishe kitab te Bible laga, duita Purana aru Notun Nim te bi. Judibi tai thakishe nyay aru dharmik; judibi tai bachishe Nau  te Isor laga; tai nisha hoishe dagras logote,  kilekoile tai hoshiyaar thakanai; aru tai dhaki thakanai tai laga tripol te. Ham, baba Canaan laga, dikhishe lengta ke tai baba laga. Jitya Noah uthishe aru ahishe janibole ki tai laga jawan lora pora korishe, tai shrap dishe tai ke aru tai laga lora ke. Noah koishe, “Shrap hobi Canaan te; ekta naukar naukar khan laga tai hobo tai laga bhai khan laga” (Genesis 9:25).

Khali manibi! Kilekoile tai uthi thaknai, Noah ke dhalishe utu stithi te shrap laga tai nijor lora ke; pota ke aru tailaga pushti khan ke. Itu dwara, ami khan  jane ki ama baba khan jun khan uthi thake ane ashirbaad ke tai khan laga pushti ke;a ru jun khan ghumai thake ane shrap.

Sob baba khan kamabo lage ashirbaad ke tai laga bacha khan nimite; loi jabo lage bacha khan ke poritran te; aru anibo lage tai khan ke Isor Jisu te. Tai prathana koribo lage bishi baar ashirbaad aha laga din nimite tai laga bacha khan nimite. Ki ase apuni laga stithi aji? Ki apuni kamaishe ashirbaad khanke apuni laga bacha khan nimite na shrap?

“morom nakoribi ghuma ke, nahoile  apuni ahibo dukhiya te; khulibi apuni laga suku ke, aru apuni hobo santusht roti logote”(Proverbs 20:13). Sob jun khan nisha hoi, hobo shrapith. Tai khan kobo, “tai khan marishe  ami ke hoilebi ami jokhom huanai; tai khan marishe ami ke hoilebi ami mehsus hoanai. Jita ami uthibo, ki ami dikhi pabo dusra ke nisha hoa?” (Proverbs 23:35).

Jitya dangor porivaar laga ase dharmik;a ru hboshiyaar, Isor pora ashirbaad koribo tai laga pushti khanke hazar ta pushti khan ke. Hoilebi judi tai ase biya a manu, titya tai laga pushti khan bhugibo lagibo shrap ke tisra aru chautha pushti tok(Exodus 20:5).

Aji dhyan koribole laga pobitro kotha tu hoile Proverbs 8:34 “ashirbaad ase manu jun hune ami ke, sai hodai ami laga dorja te, rukhe khuta khan kea mi dorja laga”.