Dec 19 – MAHAKNA HOUGATPADA!

“aduna Noahna yu ngaobadagi hougatlakkhi…” (Genesis 9:24).

Sastragi manungda Noah asi achumba nipani haina khwaidagi ahanbada minggou phanglammi. Noah asi Methuselahgi machanipani-mahak adu Adamdagi Charon tarasubani,aduga  Methuselah adu Lamechki machanipani. Prithibigi misinggi pap adu asukki matik henmankhre haibadu Iswarna ure aduga mioibagi wakhal adu leppa leitana phattaba ngakta ngaire haibadu urammi. Iswar adu thamoi soktuna prithibida leiba mi khudingmaktu manghallage haina warep loukhi. Adubu Noah aduna Iswargi mityengda thoujal phanglammi. Aduna Noah adu kanbiba phanglammi, mahak dharmachenba oirammi aduga Iswarga chatminnarammi aduga dharmachenbagi paojel adu sandoklammi. (2 Peter 2:5).

Iswarna Noah bu hijao ama saduna mahak,mahakki imunggi miisng amadi  jiba khudingmaktu kanbiba phangnaba yathang pibirammi. Noahna hijao adu saba loibada Iswarna jiba khudingmaktu jura jurada khomjinkhiduna hi manungda pusinlammi. Aroibada Iswarna Noah amadi mahakki imungbu hijao aduda changhankhre, aduga Iswar masamakna makhoibu thingjinbikhre. Aduga prithibida achouba ising ichao adu thokkhre.

Eikhoina Noahgi maramda Biblegi old testament amadi new testament animakta paba phanggani. Mahakna dharmchenba amadi achumba mi oiduna hijao manungda ngaksenbiba phangba tarabasu mahakna miseng khangdaba maramna mahakna yu ngaorammi. Aduga mahak phijanggi yumda phi thongdana leirammi. Canaangi mapa oiba Ham na mapagi phi thongdaba adu urammi. Adudagi Noahna yu ngaorubadagi pharaklabada, machanipa atombana mangonda toukhiba adu khanglakkhi, Maduda mahakna haikhi, “ Canaanbu sirap tourabani, mah akti machin manaosingggi maphamda minaisingi minai oisanu”.” (Genesis 9:25).

Amuktang wakhal toubiyu! Mahakna miseng khangdabagi maramna,mahakna mahakki machanipa amadi Charon suronsingbu sirap toubagi phibamda tarammi. Masidagi eikhoina khangba ngamba adudi miseng khangduna leiriba mama mapasingna machasingbu bor piba ngammi haibasini. Aduga tumduna leiribasingna machasingda sirap pigani.

Mapa khudingmakna machasinggi damakta bor thibigadabani, machasingbu  arankhubamlomda chingbigadabani,aduga makhoibu Jesugi manakta pusingadabani. Mahakki machaisnggi tunggi yaiphanabagi damakta toina haijabadabani. Ngasigi numitta nahakki phaibam adu karam tourige” nahakki nachasinggi damakta bor thibibra natraga serap oina thibibra?

“tumba pamganu, nattrabadi nahak lairagani, namit pangu, chingjakna nahakpu penhangani.” (Proverbs 20:13). Yu ngaoba khudingmaktu serap phanggani. Makhoina haigani, “ makhoina eigi ithakta khut thare, ei nakhide, makho;ina eibu phure, eingonda madugi cheina phaokhide. Eina karamba matamda hougatkani, eina yu amuk hanna thinaba?  ?” (Proverbs 23:35).

Imunggi makok aduna dharmachellabadi amadi miseng khangduna leirabadi Iswarna mahak amadi mahakki Charon suronsingbu bor pibigani. Adubu mahakna phattrabadi mahakki Charon suronsingna mahakki phattaba adu juk ahumphao madugi sirap pugani. (Exodus 20:5).

Dhyan tougadaba: “eigi wa taba mi adu yaiphabani,eigi thongjaosingda numit khudinggi miseng khangjariba, eigi thongjaosinggi ukhongsingda ngaijariba” (Proverbs 8:34).