Dec 14 – UTHIBI!

Song of Solomon 5:2 “ami ghumai, hoilebi ami laga mon ase uthi kene; itu ase awaz ami morom laga!

Hobi hoshiyar hoi kene sabi aru prathana koribi. Aru Isor pora hosabi jawab dibo utu prathana khan ke; aru dibo ekta uthibole laga apuni mon te.

Apuni hodai thakibo lage ekta bhar apuni laga mon te prathana koribole; sob apuni laga mon loi jabo lage apuni ke prathana koribole nirantar. Jitya  apuni dikhe kiba galat saman hoi thaka porivaar te; nahoile jitya porivaar ase gherav hoi kene dukh laga ghatna khan pora, apuni polabo lage theng te Isor laga aru prathana  koribo lage. Apuni shikhibo lage prathana koribole dhali kene apuni laga mon ke theng te Isor laga.

Apuni dikhishe prare Touch-me-not laga paudha ke. Itu ase bishi norom ki judi ekta norom ungli pora bi chui, itu laga pata khan ghuri kene bondh hoi jai. Nabi Isaiah thakishe ekta norom prathana jibon. Itu karone kile jitya raja Uzziah morishe, tai sidha jaishe Mondi rte isor laga; prathana korishe; aru rukhishe maujudgi te isor laga. Aru Tai paishe drishti ke swarg laga.

Jitya Ami koi, ‘hobi hoshiyar aru prathana koribi’, itu laga motlob nahoi ki apuni naghumabo lage. Ghuma tu ase bishi dorkari manu khan karone. Isor pora bonaishe rati ke, ki manu ahram koribole din laga taan kaam khan pichete,aru hobole taza. Isor pora dishe ghuma ke tai khan ke junke Tai morom kore.

Hoilebi apuni ke lage hoshiyar hobole apuni laga atma te. Apuni thakibo lage anubhav koa laga, “ami dishe aru ghumaishe hoilebi ami laga mon ase uthi kene’. Khali judi apuni thake uthi kene apuni laga mon te, tini hoile apuni hunibo Isor darwaza te mari thaka. Tai icha kore dibole apuni kene bishi dorkari khan ke apuni logote; aru dibole kunuba drishti khan ke. Hobole dibi apuni laga monk e uthi kene aru hoshiyar hobi hunibole awaz ke Isor laga.

Apuni laga dushman khan yojna kokribo pare khilaf te apuni laga jitya apybi ghumai; nahoile jabo jadu khan koribole icha te koribole biya apuni khilaf te. Judi apuni najane utu kotha khan ke, Pobitro Atma jane itu ke; jinika Tai kitya bi naghumai aru ahram nakore. Aru Tai pora dibo apuni ke utha laga atma ke; aru rakhibo ekta bhar ke apuni laga mon te uthibole aru prathana koribole.

Aru judi apuni jhujhe prathana te utu homoi te, Isor pora bhangai dibo sob shakti khan ke andhera laga; bhanagbo sob biya yojna ke satan laga aru dibo apuni ke jit. Iku hathyar juntu bone khilaf te apuni laga unnati anhobo.  Apuni ke lage hobole hoshiyar hunibole awaz ke Tai laga jun morom kore apuni ke.

Itu ase dangor anubhav prathana koribole  bisna te naja homoi te,a ru rukhibi hunibole chutu awaz ke Isor laga.a ru jitya apuni prathana kore utu hisab te, “apuni nahobo bhoi atankh ke rati laga, na thir juntu ure din te, na rog juntu berai andhera te, na sarbonash juntu rakhe jabor te din te” (Psalm 91:5-6).

Aji dhyan koribole laga pobitro kotha tu hoile Psalm 91:10 “iku biya bi apuni ke nagirabo, na iku biya ahibo usor te  apuni thaka jagate”.