Dec 13 – JAAGAN REN ARAJ KARO

Mark 14:37-38 Pacha Yesu aan, vo suthejena dekan, Pethruna- Simon, Thu suthochika? Yek ghanta vagathoi thu jaagan rer venika? Tham parichoma jayeniju rena jaaganren araj karo, Athma thayar cha pan, jeevada kamjorercha.

Thar deshenan sabhana Ajji thar gharena jathanethi jaagan rethanu deklenu kan Dev thona niyamith karan abhishek karmelocha. Dever beptana khyal karenan thar vyarivur hathemathi chodalenu katho thu jaagan ren araj karnu.

Mar bapervadithi Vimochan bhang Ajji Srilanka phojer bagey samlotho, voma jaagan rathoj banchiye nathkan jada pramada chaljvacha kan kethotho.

Hannuj Yisraelema chajako poliser bhaagan Ajji sainik phojeval, noukadaleval massaj jada jaagan rethanu ghasan deku karacha. Kanna ku athanu Palasthinaval Yisraelevalen hathiyar karnakachko kethanu ghasanaj racha.

Tsunami kena Ajji bhukampa kethanu avajana prakruthima ghano nasta vejavu karacha. Yee khabaren apan penar dadema kannako yek haptha samlthey. Lapan abba daadij sadharan vagi samalrecha.Geeder grandh 91:1 sethi vunchero asrema vassevalo, sethi jorevaler chendima vassacha kan Dever vath kacha. Yee dadema gen chenijakonen Ajji thelivi chenijena andherer athmavo vunden ghano velama patkayena yudha karrecha. Yee bhuthadi achanakkethi vunderema dharasjavu karacha. Lapan jaaganren araj karajena Prabhu jathanethi rakadu karacha Zakaria 2:5 vachaner prakar Prabhu vunder vacha angarer sthambha ven mahimathi gheran rejavacha. Kunvatho gharer vakalipar paskar gorli pillar loyeena lagadeko vunder gharen moth na avaju mother soja daatan dagargo.

Mark 14:37-38 Pacha Yesu aan, vo suthejena dekan, Pethruna- Simon, Thu suthochika? Yek ghanta vagathoi thu jaagan rer venika? Tham parichoma jayeniju rena jaaganren araj karo, Athma thayar cha pan, jeevada kamjorercha kan Yesu Prabhu vor chelavun dalkaro.

Ajji jada dhyan Karen pado  Mark 13:33 Vu dad thamen malam cheni jethi jathanethi ro, jaagan rethanu araj karo.