Dec 07 – ATANGBA MIT

“Jehovah eina, nahakpu dharmchenbada koure, nahakki khut paibigani, eina nahakpu ngaksen-senbigani,, amasung nahakpu pibigani misingda walepnaba oina , jatisingda mangan oina,mittangbasingbu uhannaba, leinunggi keisumsanggi kadagi phadoksingbu puthoknaba, keisumsanggi yumdagi amambada phamliba makhoibu puthoklaknaba.” (Isaiah 42:6-7).

Mitangba naha chahi kun da ngairiba nipa amasigi mit asi mahakna  evangelical gi meeting da saruk phangba lakpada healing phanglammi. Mahakna chahi taramanga pharakpa mahakki mamit asi  tanglammi aduga mahakna madugi chahi manung aduda mittangba oina leiramkhre. Aduga Iswarna mahakki mamit hangdokpa matmada mahakna haraoduna chongkhatlammi, aduga mahakna stage ta kakhattuna mahakki testimony saruk yarammi.

Mathang gi numit aduda madugi program pangthoklamba Iswargi manai nipa aduna madugi naha aduda miming thoktuna misingda masak utnaba pamlammi. Adubu mahak aduda leiramdre. Aduna Evangelist aduna meeting loibada naha adugi yumda chattuan kari tourabage haina hangba chatlammi. Adubu mahak adudasu leiramdre adubu mahak cinema hall da leirammi.

Aduga mahakna yum hallakpada mahakna Iswargi manainipa aduda mahakna hairammi , “Sir , eina chahi mangagi mamang aduda eina yengningba movie sing yengba phanglammi adubu eina mittangba oina leiba chahi mangagi manung aduda movie amatasu yengba phanglamdre aduna eina madugi matamda yengdaba makhei adu ngasi asida yengba chatlubani.

Masigi wahei sing adu Iswargi manai nipa adugi damakta tabadagi yamna thamoi sokningai oirammi. Iswarna masigi nipa asigi mit asi papta amukka tanaba hangdokpirabra haina khallammi. Iswarna angakpa thabak toubirabarsu  mahakna  Iswarda mamai leisinba nataduna leithokpa toure. Thawaina handokpiba phangbasi atei khudingmaktagi henna lubani. Thawai kanbadagi henna chinglemba atei ministry  leite haibasi ningsingu. Aduga Iswarna nahakki ministrygi mapanan angakpa mayam toubirakkani.

Mittangba amana mamit urakpa asi yamna haraoningaini. Amambada koi ma ma ramba mahak aduna houjikti mangal adu ure, mahousagi phajaba adusu ure,aduga mahakki machasing amadi mahakki nupisingbusu uba ngamlamkhre. Madugi imunggi damakta kayada haraoba oigani.

Adubu mi amagi thawaigi mit asi hangdokpa sida henna chaoraba borni. Lydia na Iswrgi wahei asi pukning changna tarakpadagi Iswarna mahakki thamoigi mit asi hangdokpirammi. (Acts 16:14).

Maichou Balaamna mahakki manakta lepliba Iswargi dut adu uba ngamlamde. Adubu mahakna tongliba lola adunadi uduna leithoklammi. Aduga Iswarna Balaamgi mamit hangdokpiba matmadadi mahakna dut aduda thangsang satlaga leibadu urammi

Maduga chap manana Iswarna Elishagi manainipa adugi mamit hangdoktuna mahakna chingthakta leiriba meigi dolai amadi sagol mayam adu urammi. (2 Kings 6:17).  Iswarna Hagar adugi mamit hangdokpirammi adug amahakna Nehemiahgi mit su hangdokpirami. Masigi khudam mayam asi Iswarna thawairomda mit hangdokpiba aduni. Iswargi machasing,nahakki thawaigi mit adu hangdoklabadi nahakna thawaigi oiba maramda khangba ngamgani, aduga nahakna thawi visionsing adu uba ngamgani.

Dhyan tougadaba: “mahakna seboksingda onsinduna lonna haikhi, “ nakhoina uriba adu uba mitsing adu yaiphbani. Maramdi eina nakhoida hairi madudi wa takthokpa mi kayana amasung ningthousingna nakhoina uribasing asi uninglammi, adubu uba phangkhide, nakhoina tariba asi taninglammi adubu taba phangkhide.” (Luke 10:23-24).