Dec 01 – APUNI LAGA SUKU LOGOTE!

Job 31:1 “ami bonaishe ekta chukti ami laga suku logote; kile tini hoile ami sabo lage ekta jawan maiki ke?

Judi apuni thakibole mon ase ekta pobitro jibon,itu ase zaroori bonabole ekta chukti apuni laga suku logote. Itu ase zaroori dibole apuni laga suku ke Isor ke aru pobitrota ke.hobole dibi tate abhishek thaka apuni laga suku te. Hobole dibi apuni laga suku ke anugrah pora sabole dusra ke.

Sapha koribi juntu apuni sai apuni laga suku logote, juntu ase pobitro aru bhal nazar te isor laga. Pobitro kotha te koi, “hobole dibi apuni laga suku ke sabole age” (Proverbs 4:25).

Ekbar ekta manu Isor laga koishe, “hodai ekdom phujir te, ami khara koribo agete Calvary laga Krus te; chitkai khun ke Krista laga ami laga suku te; aru prathana kore ki ami laga suku, aru sob ji tai sai hobo lage abhishekh te. Ami prathana kore sapha koribole ami laga suku ke ki jun ami ke sai dikhibo lage Jisu ke”.

Kile job, manu Isor laga,  bonai chukti tai laga suku logote? Itu kilekoile tai thakishe dristi aha laga Isor jisu Krista laga tai suku te. Tai thakishe icha sabole Raja khan laga Raja ke Tai laga mahima te.

Itu karone tai koishe, “kintu Ami jane ki ami laga Rakshakh jiyai,a ru Tai khara kore hekh te prithibi te; junke Ami dikhe nijor karone, aru ami laga suku thakibi,a ru nahoi dusra. Kinika ami laga mon icha kore ami te! (job 19:25-27).

Judi apuni sai ekta badoli ke juntu ure; itu ke nai pankha dusra chiriya khan nishina, hoilebi khali pankha juntu dikhe norom rubber nishina. Utu norom pankha logote, itu pare uribole bhal pora. Hoilebi judi tat ease chutu chenda tai laga pankha te itu uribole napare.

Itu nishina hi, judi tat ease iku moila nahoilebi biya apuni laga atmakariki suku khan, apuni naparibo sabole Raja mahima laga Tai laga dusra aghman te. Itu karone, hatabi sob biya lobh khan aru moila khan juntu rakhibo apuni ke lok kora pora Isor Jisu ke haw ate jitya pepa boje. Aru bachai kene rakhibi apuni nijor ke pobitrota  pora.

Job bonaishe ekta chukti tai laga suku logote, ki tai nasabo kunke iku lobh loogte. Isor laga  bacha khan, bachai kene rakhibi apuni laga suku ke bachai kene;a ru bachabi apuni laga monke. Hobole dibi apuni laga suku ke pobitro, aru hobole dibi tai khan ke sabole Isor Jisu ke. Prathana koribi ki  ki apuni laga suku khan nasabo lage ani saman khan ke; arum on karone ki pura mon di kene morom koribi Isor ke.

Aji adhyan koribole laga pobitro kotha tu hoile Proverbs 4:25 “hobole dibi apuni laga suku ke sabole sidha age,aru apuni laga suku pahi ke sabole thik apuni agete.”