Dec 01 – Moddam-ben Batte…!

“Hen moddam-hen batte jejzblenai; etteden yan gamle hen danggardin a d’ong ganijmadan batte gijgijai?” (Ayob 31:1).

Ayengan a ordar lingan anlen kuddublen dakuteben duaihan do er banangsan daku. a yaman dakule, angante ayengan a mandranji hangdrangan hangleji mangben saring, aninji a sangemtabenji.Bindo kan kudduban umdrengba, Kitungle itente bangsa anten ate na tiylangten. Sanenken Daudo (Bangsa Hanang 4:25).

Ayengan Kitungan a bananangsa maimaile anin gamte. U u, Gamangtungan d’ong-len banangsan tiyte, do desa-len gale-jabanji amdungle gadmangte”. Bo denna pastor do anin a ompu- maranji ampara melgijleji sarebasingan agutulben asan.

Do aninji hadab labon adhangadji jajingante ayam saring. Jajingante angai atiki, bo mandran labo atimben itsumle amangbanji, bindo ajanatin awrdam dakule.

Bindo ranukun aderdernanji ambrij okij ejaja alabo adhangadji, aninji kunina ate ahiba gamle oskaidamlenji. Bindo pastor, turdumle garberneten Kitungan atimangba, tangsoi garberlen! (Ayob 19:25-27).

Kitungan a itsum asaiben, Do Kitungan oblingle a d’ongan do gamle: ‘Itjaja akudidongne. Hen tiytaben itente bangsa’. Angante pastor hanangan tiyle kuddub mandranji a d’ong gadlamle aninji barabdaleji do dukkadaleji. Jajingante angai atiki.

Bo denna, bo gamang-mar gudingle pastor a d’ong kun amanengba do gamle aninji bo bigardan desan yirteji. Do aninji a bittinji abmele aogandilenji asan, aninji kun labon sarebasingan apsele a tiyben itsumleji. Do anin tiyle bo surda labon a d’onganji. Itjaja lebun erjanglingbe kun sarebasingan abmele.

Gamangtunglen gugudam do ranaptidam. Tanahimdam Kitungan a onagji, Amben pedde ateng kanalkalan batte adakulen kan amihnumlen, Kun batte ranukkun amandranji do a surda maranji ogandileji yan asurda do abanangsa Kitungan a bara. Aninji Kitungan a d’ong abguguleji do senleji.

Okiy Kinolbe absele: “Mad-namji mukkaban gijete, bar usalmad-namji mukkaba-nam bagngo gijgijete” (Bangsa Hanang 4:25).