Nov 25 – LANPHAM OINA LEIBA THAWAI!

Maramdi papki atoumandi sibani, adubu Iswargi khudondi eikhoigi Ibungo Chrita Jesuda lomba naidaba hingbani. (Romans 6:23).   “Pap touba tha wai sigani.” (Ezekiel 18:20).

Mioiba amana siba matung da mahakki hakchang asi pumthagani adubu mahakki thawaidi lomba naidana hinglagani. Thawai asi mamal tangbani. Mi amana taibang pumsi phangduna mahakki thawai mangjarabadi karibu tongjabage?

Iswarna nahakki thawaibu nungsi aduga madugi nungda leiningi. Aduga swargadagi khonjen houna asumna haiab eina tare, “yengu, Iswargi leipham adu misinggi marakta oire.  Mahakna makhoiga leiminnagani amasung makhoi mahakki mi oigani.  Aduga Iswar masamak makhoiga loinagani amasung makhoigi Iswar oigani.” (Revelation 21:3).  Nakhoi Iswargi ningnasangni aduga Iswarna nakhoigi nungda leiri. (1 Corinthians 3:16). Nahakki thawai adu haijabagi sangni,adug amadu khwaidagi asengba maphamni.   “maramdi matik mangalgi Thawai aduna nahakki nungda leiri.” (1 Peter 4:14).  Christanasu nahakki nungda leiri,mahak nahakki matik mangal gi asani. (Colossians 1:27).

Adubu madugi thawai adu laksinnabagi damakta satanna matam leiba khibikta lan soknaduna leiri. Mahakna nahakki thawai aduda tongsinduna Iswargi maiyokta pap touhanningi. Maramdi adugi damakta mahakna tatpa leitana nahakki wakhal da ngaihakki oiba taibangpangi oiba apamba ithil mayam adu puduna lakli.

Nahakki nungda pap na changsillabadi Iswarga nahakki marakta leinariba mari adusu takani. Adubu nakhoigi ayol aransing nakhoibu nakhoigi Iswardagi tonganhalle. Aduga nakhoi papna mahakki maithong nakhoidagi lotsinkhre, aduna mahakna tabiroi.” (Isaiah 59:2).

Nahakki thawaida leiriba lanpham adu papka asengbagi marakta soknariba lanphamni. Satanna Iswargi machasinggi mamangda natei chadaba scene, movies amadi dances, taibangpangi oiba nungaiba, drugs, apaiba, jantra mantra, singbu puduna lakpani. Adubu nahakna lan ngamba oinanaba Prabhuda mahakki senglaba ee adubu tahanbire. Iswarna nahakpu mahakki waheibu pibire, aduga nahakpu haijabagi thawai pibiduna nahakna papki mathakta lan ngamba adu oigani.

Mi amana mahak asi lanpham da leiribani haibasi khangdaduna mahakna taibangpangi oiba papta adum luptuna leiraga, mahakki matam asi  wathi  warem ngangbada sijinnaduna haijaba sollabadi satanna irai laina mahakki nungda changlaktuna mahakpu mang tak hangani. Sastrana hai, “ huranba aduna hurannanaba, hatnanaba amasung manghannaba nattana lakte, diei makhoina hingba hpangnaba amasung makhoina hingba adu marang kaina phangnaba lakle.” (John 10:10)

“adubu mahak masagi hakchanggi apambana chingthoktuna phajillabada mi khudingmaktu thamdok i. hakchanggi pamba aduna mirollabada pap pok I, aduga pap aduna mapung pharabada siba thok halli.” (James 1:14-15).  “maramdi papki atoumandi sibani.” (Ezekiel 18:20).

Dhyan tougadaba: “eikhoina eikhoigi papsing haidokcharabadi, mahakna eikhoigi papsing kokpinaba amasung dharmchendaba pumnamaktagi eikho;ibu sengdokpinaba mahakti thajaba yabani amasung achumbani. Adubu mahakna manganda leibagumna eikho;ina manganda chatlabadi, eikhoi amaga amaga  saruk phangminnabani aduga, mahakki Machanipa Jesu Christagi eena  pap pumnamaktagi eikhoibu sengdokpi.” (1 John 1:9,7).