Nov 22 – BHAGOR NAHUA MON!

Ecclesiastes 3:1 “sob saman khan karone tate ase botor, ekta homoi sob uddesh nimite swarg laga nichete”.

Tate ase botor sob saman khan karone. Isor pora kitya bi nakoribo iku bi agete nahoilebi pichete itu laga botor laga. Tai bonai aru kore sob saman khan ke sundar aru thik Tai laga homoi te.

Uddharan hisab te, judi apuni prathana kori ase paritrannimite apuni porivaar laga; apuni bhagor nahobo lage apuni laga mon te judi tai khan joldh pora bachanai apuni laga prathana pichete. Isor khali huna nahoi ami khan laga prathana khan ke; hoilebi jawab diye sob ke. Khali karon deri hua tu hoile ase kilekoile itu Isor laga homoi nahoi. Itu karone narukhabi apuni laga prathana khan ke. Isor pora rakhibo Tai laga kaan ke aru hosabi anibo apuni laga porivaar khan ke Tai laga chaya te Tai laga homoi te. “aru ki Isor nijor hi badla nalobo Tai pora nije chuna ke jun kande din aru rati Tai ke, udibi Tai bhuge tai khan logote?” (Luke 18:7).

Isor ase anibole achurit gauravmai bodlav apuni laga porivaar khan karone. Tai icha kore mahaanta pora berai apuni laga ghor te, partran laga Isor hoi kene. Pobitro kotha te koi, “Ami koi apuni ke inika hi tate hobo bishi anondo swarg te ekta paapi uporte jun pachtai” (Luke 15:7). Aru jitya sob apuni laga porivar manu khan ahe Isor te, tate thakibo dangor barakhana aru utsav swarg te.

Jitya ekta manu bache Isor karone, tai laga naam tu likhe Jibon laga kitab te. Isor pora nijor hi kahara kuribo Swarg laga bhavan te aru mahaanta pora kobo, “aji itu ekta porivaar ekta lora, ekta  suwali aru jonom hoishe. Tai khan  graham korishe Ami ke, aru paishe paritran”. Aru duth khan Isor laga bishi anond koribo. (Luke 15:7-10).

Jitya prodigal lora pachtaishe tai laga paapi rasta te aru ghurishe Isor te, baba bishi khushi hoishe tai laga mon te. Tai chumishe lora ke iman morom pora; aru dishe tai ke daam laga kapra, angurthi ungli karone aru chappal tailaga theng nimite.tai ghosna bi korishe sob laga agete aru koishe “kilekoile itu ase ami laga lora murishile aru jinda ase; tai hari jaishile aru itya paishe. Aru tai khan shuru korishe khushi koribole” (Luke 15:24).

Bhabna koribi kiman anondo ase jitya ekta anda manu laga suku khule! Kiman anondo mehsus koribo ekta langra jitya bera bole pare! Kman anondo hobo ama baba karone judi tai kahn laga mora bacha jiyai! Isor bi aru itu pora bishi anondo hoi jitya sob manu khan apuni porivaar laga aru jonom loi aru ahe Tai laga poritran te.

Isor laga bacha khan, ashirbaad ase manu jun bhoi kore Isor ke aru morom kore Tai laga niom ke. “Tai laga pushti khan tagot war hobo prithibi te; pushti khan thik  thaka laga hobo ashirbaad” (psalm 112:2)

Aji dhyan koribole laga pobitro kotha tu hoile Isaiah 61:9 “tai khan laga pushti khan ke janibo sob gentile khan laga majete, aru tai khan laga bacha khan ke manu laga jete. Sob jun khan dikhishe tai khan ke mani bo tai khan ke, ki tai khan ase paravarti kal junke Ios rpora ashirbaad korishe”.