Nov 20 – NOTUN KORA MON!

Romans 12:2 “hobi bodli notun kori kene apuni laga monke, ki apuni sabit koribo ki ase bhal aru mananiya aru thik icha Isor laga”.

Judi apuni ke lage hobole nirantar prathana sena hobole, titya apuni dhyan dibo lage apuni laga bhabna khan ke apuni laga prathana homoi te. Hobole dibi apuni laga monk e aru dimag ke khulibole prashansaha Isor ke aru prathana karone. Tayar koribi aru thik koribi apuni laga monk e prathana koribole nirantar. Apuni thakibo lage icha pyas maujudgi nimite Isor laga. Apuni rukhibo lage Tai laga maujudgi  te ekta eghra icha loi kene aru akha loi kene.

Mon khan bishi manu khan laga bhorta hoi prithibi laga samasya aru digdar khan pora, jitya taikhan shuru kore prathana koribole. Tai khan loi prathana ke ekta uljhi thaka mon loi kene; aru kuchis kore bondh koribole prathana ke ekta joldh hekh koribole laga kaam koi kene. Tai khan nathake iku biswas shakti te tai khan prathana laga. Tai khan ase pura ahbiswas te aru koi,  “ami laga prathana paar koranai chat bi naki. Kinika itu punchibo paribo isor ke?; aru kinika itu hunibo Isor pora?” aru inika bhabna karone, taikhan napare  prathana koribole nirantar.

Holebi jitya apuni hune anubhav ke pondit khan isor laga, tai khan tayar kore nijor ke bishi ahge pora phujir te, ekta bhabna loi kene lok pabole raja ke. Tai khan hekh kore sob tai khan laga phujir laga kaam khan ke ahibole maujudgi te Isor laga aru prathana koribole aru dhyan koribole. Kunuba khan tu pura koribo tai khan laga gau vyayam khan ke joldh te aru utsukta pora bisare Isor ke. Tai khan tayar kore tai khan laga atma ke, mon aru  gau ke lok koribole Isor ke; aru thakibole tezi pora maujudgi te Isor laga. Gaurav Isor laga dhakai tai khan ke .

Apuni laga mon hi icha koribo lage Isor nimite, jinika ekta harin icha kore pani nimite. Kuchis koribi Isor ke kotha koribole khuli kene jinika apuni nijor baba logote kore. Khali maujudgi isor laga dibo apuni ke ahram aru dilasa itu prithibi te jitu bhorta ase dukh aru kanda khan pora. Apuni hobo lage mary nishina jun chunishe bhal bhag ke jitu ase bohi bole theng te Isor laga.

Tate thakishe ekta manu Isor laga ,jun thakishe anpadh. Tai nijora ke tayar kore 4 baji te aru ahe maujudgi te Isor laga. Tai bi rakhe ekta kursi tai laga agete, aru prathana kore ki Isor kotha koribo aru majete ahibo tai jibon laga. Aru tai rokhe inika akha te, tai shuru koribo hunibole awaz ke Isor laga. Isor Nijor hi shikhaishe manu ke Isor laga porhibole aru likhibole. Isor arubi shikhaishe tai ke thik kitab genesis pota kitab revelation tok; aru tai parishe kobole pura bible ke.tai pichete bonishe professor bishi bible laga college khan te. Isor pora ashirbaad dishe tai ke ekta achurita buddhi pora juntu kunbi khara koribo npaaribo khilaf te.

Aji dhyan koribole laga pobitro kotha tu hoile Isaiah 50:4 “Isor pormeshwar pora dishe Ami ke jib shikha laga, ki ami janibo kinika kotha kobo lage ekta hobdo botor te tai ke jun dukh ase. Tai uthai Ami ke phujir pora  phujir te, Tai uthai Ami laga kaan ke hunibole ekta shikha nishina”.