Nov 17 – CHEPTHARIBA PUKNING!

“Tabiyu, he machanupi, yengbiyu amasung nahakki nakong chepthabiyuu,nasamakki mising amasung nahakki napagi imung manungsu kaothokpiro,maduda ningthouna nahakki phajaba adu henna pamgani, maramdi mahakti nahakki nabungoni, nahakna mahakpu khurumjou.” (Psalm 45:10-11).

Matam amada Prince amasina sagol gari tongduna mahakki prajasingbu unaba koina chatlammi. Mahakna chatkadaba lambising adu mangjounana leitengduna leiramkhre. Mahakki bhaboksinggi marakta lairaba nupi amasu yaorammi,mahak aduna prince adubu uninglammi. Adubu mahakki amotpa amanba phironsing adubu yengduna lanmising aduna mahakpu tanthokninglammi. Aduga mahakna chatthokhre,aduga mahakna upanbi amada ngajaduna phamlammi. Aduga mahakna masagi asonbagi maramda khanjaduna kaplammi,aduga mahakan prince adu uba yagadra haina su yangkhatcharammi. Prince adu sagol gari aduda yamna chinglemna tongduna mahakki lanmisingna mahakpu yomsinduna laklammi. Aduga lairabai nupi aduna mangonda uningna yengkhatcharamba adusu mahakna urammi.

Mahakna khudakta mahakki thangnabada leiriba minister adu yengduna hairammi, “ nupi adubu masida pusillak u,ningthougi phamnaibasing bu puduna chatlo aduga mahak maharani oiragani.” Madudagi houna nupi adugi lairabagi phibam adu mahakki houkhraba punshi oinkhre. Mahakpu tanthokpiramba lanmising adunasu mahakpu nungshiba ikaikhumnabaga loinana okpirammi. Mahakpu ningthourelgi phiron setkhre.  Minai nupi cha kayabu mahakpu yengsinnabagi damakta thambikhre. Madudagi mahakpu lam adugi maharani oikhre.

Sastragi manungda lairabi Ruth ki maramda eikhoina paba phangi. Lairabi amagumna mahakna labukta  tariba phou charongsing adubu khullammi. Iswarna mahakpu nungshibagi maramna mahakna Ruthpu injakkhunba Boazki keiya oinhankhre. Boaz asi Christagi khudamni,aduga Ruthta aphaba paotak piramba Naomiu adu Thawai asengbagi khudamni.

“mahakki manempok Naomina mangonda asumna hairammi, “ adudagi mahakki manembok naomina mangonda haikhi, “ Imagi ibemma, nahakki yaiphanaba eina nahakki damak potthapham thiroidra?” (Ruth 3:1). Mahakna Ruth amadi mahakki tunggi punshigi damakta yamna wabirammi. Ngaisisu Thawai asengbanasu nahakpu amakpa yaodaba Christagi keinya oinanaba kanna sennaribani.

Iswargi machasing, Sastragi wahei adu wakhal toubiyu. Prabhu Jesu Christa bu nahakki ipani: mahakna mahakki machasingbu nungshibibani. Mahakna mama amagumna pukning themjinbibani. Mahak ichin inao amadi marup amagumbani. Mahak pator amadi angakpa paotak pibiba mi amagumbani. Aduna nahakna nahakki punshi adu amakpa yaodaba oihannaba kanna hotnagadabani.

Dhyan tougadaba:  “ananba linengi asengba amaasung arangba phi mangonda setnaba pire, maramdi ahanba lingengi phi adudi asengasinggi dharmachenba thabaksingni.” (Revelation 19:8).