Nov 11 – GOKAMLIJAKO SOS

Romavalun 8:6-7 Jeevadar vadir sos moth,pan Athmar vadir sos jaan Ann samadhan.  Kimkatho jeevadar vadir sos Devena vyari cha, vu Dever Dharam sasthrena maaneniju maan sakkeniju racha.

Jad kajako jhader heta racha, vuj thara manikyar mather mayi bhejo gokan cha. Vu bhejoma pet paadan papen peda karan vu paap paachan jeevadan mothen chalavacha. Kanna  thar sosen jathan karlastho ajji thu yee jagenan,jeevenan, sathanen jeethoju. Ajji sathaner jorema thu haljayesniju jathanethi thar athmik jorema bharan rechi.

Aaj kalema salaha devajana massaj manikyavo manna mandon, ballar sos chodarikoni Kan kevu karacha. Motiyar sada vunder paper sosethi bharan chajethi vimochan pavnu Kan asaa karu karacha.

1 Corinthivalun 10:4-5 sey yekkaj sorger Athmar panina pedey, kimkatho- vunder sath gojako sorger Athmar bhatar panina pedey, vu bhata Christhuj. Hanu rathoi vundema ghane Devena khathar cheniju vege,  jethi vunadabima haal vege Kan Aposthal Paul kerocha. Assal yee athmiker yudha karer cheejevo kunas? Katho

1. Yesu Christhur naam
2. Yesu Christhu loyee
3. Hamesha araj karer
4. Vupavasa
5. Kruthagnatha
6. Pavithar Athmar jor

Kunvatho yee ayudhavun vaaldachko vo ajji kunsi Mando sosema padeniju jayamero jeevanema chaljavacha.

Kanna thona Mando sos herdavachko janna Pavithar Athman balavastho vu Athmathi Anya bhashama vathe karan sejini dulap nakechi. Hannuj thar dallema araj karastho ajji thona thamdevalo kuni reni.

Romavalun 8:26 vor naij Athama sada apaner Kam jorema apanena madath karacha, kassen katho apan Kim araj karero Kan malam cheni pan, Athma vuj kesakkenijako nasaasethi jhuran apanevas Nora karacha Kan vanchacha.

Ajji jada dhyan karen pado  1 Corinthivalun 2:16