Nov 12 – ARAJ KARERO MANNA

Philippivalun 4:6-7  Tham kunsi vadithoi hayi kareniju,solirvadi thamar arajena daller stuthir sath vinathina,Nora karajethin Devena malam karo. Jana soli genethini jada Dever samadhan thamar dallenan,thamar sosena Christhu Yesuma jathan Kariya.

Araj karajethi shanthin palacha,ajji Prabhu vumpar puro dallethi viswasema vundema chalan javnu.

Araj karer jeevano shanthir Rajer dai chalavacha. Apan sejithi samadhanathi ku renuko vu Prabhun araj aran malam karlenu. Araj karer moukana,araj karer Athamana Devaj demelocha jethi Dever vather vasu thaman deknu.

1 Samuel 1:15 vachanema Hanna vona bepta vethekoni jesaru vor puro dallethin mannethi Prabhur sannidhima voro bharina kenaki. Jannathi Hanna samadhanathi regi. Vu devalema vethojako Eli yajak yadi thu araj kidijena Dev thona dayakaracha Kan ashis karan melnako.

Yobu Bhakthidhar 22:21 vachanema Devethi sahavas karevalena Dev samadhan devalo cha. Yek dee dosthidharer dall yeken yek chutan ratho vunder vathema samadhan rejavacha. Ajji Dever Betathij apaner dall chutan araj karatho dekla ajji kathra jada samadhanathi rechiko. Araj kareroj thona samadhan lavacha, Dever shanthin laan dacha. Romavalun 15:13 vachanema Pavithar Pavithar Athmar jorena palena,tham bharosema badena,buaroser Dev viswasethi avajako soli tharar khishin samadhanathi thona bhareda.

Kunsi araj karer reda vinathi karer reda thu kannai gunagamath. Arajethin vinathi karajethi thu Prabhur vacha malam padavnu.

Prabhu thona kidojako heryek hachpaner vas dhanyavad kareroj agadiyar phal. Thar arajena samalan samadhan devalo Devan sthuthi karnu.

Ajji jada dhyan karen pado  Geeder grandh 55:22  Thar bhojana Yehovapar nakda, vu thona samallacha. Niyathedharena vu kannai halayeni.