Nov 12 – HAIJABAGI PUKNING!

“kari amata langtaknaganu, adubu maram khudingda haijaba, nonjaba amasung thagatchaba loinana nakhoigi nijaba adu Iswarda khanghallu. Aduga khangba pumnamaktagi hendoklaba Iswardagi lakpa ingthaba aduna nakhoigi thammoi amasung pukningbu Christa Jesuda ngaksenduna thambigani.” (Philippians 4:6-7).

Eikhoina eikhoigi haijabagi punshi asigi mapanna ingthaba phangba ngamgani,madu eikhoina achetpa thajabaga loinana eikhoigi awaba khudingmaksi Iswarda sinnajaba matamda oigani.

Haijabagi punshi asi Ingthaba gi jubraj adugi maphamda naksinjabagi thabak oibani. Mi khudingmakka ingthana leiba yabagi lambi adu eikhoina haijabagi punshigi mapanna khangba ngamgani. Iswarna nahakpu haijabagi khudongchaba amadi haijabagi thawai  pibirabanina nahakna nahakki awaba langtaknaba khudingmaktu Iswargi maphamda pisinjaduna mahakki waheibu akhangba kanbaga loinana ngaibiyu.

Hannaha aduna angang poktrabanina mahakki imungda ingthaba amadi haraoba asi manglamkhre. Mahakki yeknaba aduna mahakki maiyokta wa athi athiba nganglammi. Aduna mahakna mahakki thawai adu Iswargi maphamda heitharammi. (1 Samuel 1:15).  Mahakna mahakki thammoi gi potloum adu Iswarda heithaba matamda mahakki maithongda awaba adu leitre. Ningnasangda leiramba Eli aduna mahakpu bor pibiduna asumna haibirammi, “ nahakki nijaba adu Iswarna pibiba oisanu””

Sastrana hai, houjik nasamak Iswargi makha pollu amasung mahakka ingthana leiyu, madu oirabadi nangonda aphaba lakkani.” (Job 22:21).  Mi anisina makhoigi thamoiga thamoi adu tanaba matamda ingthaba adu lakpani. Madu asumna oirabadi nahakna Iswarga wari watai saba matamda kayamatik chaoraba ingthaba phanggani. Haijaba asina nahakki nungda ingthaba du purak i. haijaba mi adukhaktana mapung phaba ingthaba adu phanggani. Thawai asengbagi panggalgi mapanan nakhoigi asa hengat hannaba houjik thajabagi mapanan asa pibiba Iswrna nakhoibu haraoba amasung ingthabana  thajabada thanhanbisanu.” (Romans 15:13).

Nahakna Iswargi maphamda changjaba misinggi damakta haijaba natraga ingthabagi damak changjaba matamda keidoungeidasu murum murum songanu. Nahakki haijaba nijaba adu Iswarda haijabagi mapanan khanghallu.

Toubimal khangba asi Iswarna nangonda toubikhraba singgi damakta thagatpa phongdokpa haiban. Mahakpu thagatlu maramdi mahakna nahakki haija nonjaba singbu tabire. Mahakki angakpa thabaksinggi maramna mahakpu thagatlu.

Nahakpu haijaba amadi nonjabagi thawaina thanba oisanu. Adu oirabadi nahakna mahakki maphamda nonthaduna nollukpaga loinana haijagani. Pirang sinthabaga loinana nahakna haijaba adu Iswarna keidoungeidasu hunjekpiroi. Mahakan nahakpu thoujanbigani, nahakki nakta lakkani, mama amana machabu themjinbibagumna themjinbigani,aduga nahakpu ingthaba pibigani.

*Dhyan tougadaba: “nahakki potlum Jehovahda langsillu, mahakna nahakpu ngaktuna thambigani, mahakna dharmchenba misingbu keidoungeidasu lenghalloi.” (Psalm 55:22).*​