Nov 09 – MON VIVEK LAGA!

Romans 2:15 “Tai khan dikhai kaam khan ke niom laga likhi kene thaka  tai khan laga mon te, tai khan laga vivek bi kore gawhi, aru majete tai khan laga bhabna khan iljam lagai diya nahoilebi  chari diya tai khan ke”.

Isor pora rakhi she vivek ke sob manu laga majete, iku dharm tai khan thakile bi. Itu ase awaz Isor laga; aru itu vivek pora faisla kore sob bhabna khanke aru kaam khan ke manu laga. Jitya tai kore paap ke, tai ke chubhe tailaga vvek pora; aru judi bi tai laga gyan nathakile bi tai olop jhijak kore koribole paap ke.

Tai khan jun jane Krista ke failsa koribo hisab te Isor laga kotha laga. Hoilebi tai khan jun khan nai iku gyan Krista laga  hobo faisla tai khan laga viveb dwara. Din khan te Boga rajyo faisla laga, bhal aru beya khan sob manu jibon laga khulibo ekta kitab nishina. Vivek koribo faisla tai ke aru iljam lagabo nahoile tai ke galti nai koi kene charibo.

Ekta naukar Isor laga, tai laga kaam ke African continent te, paishe kit ate nai iku milap taikhan laga bashate vivek laga. Hoilebi jitya manu khan koishe itu laga kotha, tai khan koishe itu ke tin phine dhar thaka tarwal nishina. Hisab te tai khan laga biswas laga, jitya ekta manu paap kore, ekta tin phine dhar thaka tarwal shuru hoi ghuribole tai khan laga mon te. Jitya manu kore mrityu laga paap, itu ghure bishi jor pora, chubhe aru phatai diye tai khan laga monk e. hoilebi jitya tai nirantar paap kore, itu dhar tarwal laga  kom  hoi jai aru bone dhar nathaka. Itu tai khan laga biswas ase ki ekta manu nirantar kore paap ke komjur kori kene tai laga vivek.

Jitya ekta manu kore paap ke, tai laga vivek kamde jor pora,a ru itu koi manu ke: “biya nakoribi apuni laga atma ke kori kene paap”. Jitya Peter shrap dishe  aru mana korishe Isor ke, ekta dhar tarwal chubhe mon dwara. Jitya Judas Iscariot man korishe Isor Jisu ke tis chandi laga sikka nimite, ki thin phine dhar thaka tarwal tai laga tarwal dwara.

Jitya ekta manu suku pani phelai tai laga paap khan karone, jitya tai swikar korie tai laga paap khan ke, aru ahe Isor te ekta pachtava mon pora, titya tai khan bache. Hoilebi jitya tai khan dabai diye tai khan laga vivek, tai laga mon taan hoi jai. Jitya Chela Paul prachar kore kotha ke Isor laga, jun khan hune tai khan ke monk e kate, aru koi “Sir, ki koribo lage ami khan bachibole?” aru itu pora loi jaishe tai khan ke uddhar te Krista laga.

Khali khun Jisu Krista laga sapha koribo pare tai khan laga manu ke. Manu kitya bi nathakibo shanty tai kahn laga mon te jitya tok taikhan swikaar kore pap khan ke. Hoilebi “kiman bishi khun Krista laga jun hodai din laga Atma dwara dishe Nijor ke iku dagi nathaki kene Isor ke, sapha kore apuni laga vivek ke mora kaam khan pora seva koribole jinda Isor ke?” (Hebrews 9:14).

Aji dhyan koribole laga pobitro kotha tu hoile Proverbs 28:13 “Tai jun dhakai tai laga paap khan ke unnati nahobo, hoilebi jun khan swikaar kore aru chari diye tai khan ke pabo daya”.