Nov 11 – LUKI THAKA BHABNA!

Romans 8:6-7 “Kintu hobole prithibi laga mon ase mrityu, hoilebi hobole atmakarik mon ase jibon aru shanty. Kilekoile prithibi mon ase dusmani khilaf te Isor laga”.

Jor ase luki thaka bhitor te gasha laga; itu nishina, ‘mon, ase luki thaka manu te. Itu khali luki thaka mon laga icha khan ke pai,a ru diye jonom paap ke; aru paap, jitya pura barhe,ane mrityu atma te. Khali judi apuni ase jit apuni laga mon uporte, ki apuni jitibo paribo prithibi te, gau aru satan laga. Khali judi apuni rakhe raksha kori kene apuni laga bhabna khan uporte, apuni paribo bachabole apuni laga atmakarik jibon ke khotom hua shakti pora satan laga.

Counseling laga homo te, bishi manu khan koi ki tai khan ke ase sapha nathaka aru lobh thaka bhabna khan; juntu koribole diye tai khan ke paap. Bishi jawan khan bi icha kore janibole kinika tai khan rakhibo hekh ke itu jongli aru biya bhabna khan ke. Tai khan koi ki tai khan hosa pora icha kore bachabole tai khan laga pobitrota ke hoilebi tai khan napare pabole jit ke tai khan laga monk e. itu ase bishi zaroori apuni karone janibole kinika apuni bachabo paribo apuni laga monke.

Chela Paul pora likhe, “kintu hathyar khan ami khan laga judho laga nahoi prithibi laga hoilebi mahaan Isor te tanibole jor pora dhuri thaka khan ke, namai dibole lorai khan ke aru sob uncha samn khan ke juntu uthai nijor ke khilaf te Isor alga gyan laga, ane sob bhabna khan ke bandhi te mana laga Krista ke” (2 Corinthians 10:4-5).

Ki ase itu hathyar khan nahoilebi judho khan? Tai khan ase:

1. Naam ami khan Isor Jisu Krista laga.
2. Khun Krista Jisu laga.
3. Nirantar Prathana.
4. Upwas.
5. Dhonyabaad.
6. Shakti Pobitro Atma laga.

Juntu hoilebi manu Isor laga cholai itu hathyar khan ke hosabi bachibo biya bhabna khan pora.

Jitya bi ekta biya bhabna uthe apuni lag mon te, mate Pobitro Atma  ke. Apuni joldh hi shuru koribo kobole ‘anya bhasha te’. Aru sob biya bhabna khan polai jab apuni pora.

Itu hobo olop digdar dhalibole itu ke vyabahar te shurute. Hoilebi homoi paar hoi kene, judibi apuni jane, apuni shuru koribo kobole anya bhasha te, utu homoi jitya tate janibole pai biya bhabna khan ke apuni laga mon te. Jitya dushman ahe baar nishina, Atma Isor laga khara koribo khilaf te tai laga.

Pobitro kotha te koi, “inika hi Atma bi modot koribo ami khan laga komjuri te. Kintu ami khan najane ki ami khan prathana koribo lage kintu jinika lage, hoilebi Atma nijor hi bonai prathana ami khan karone kandi kene juntu kobole bi napare” (Romans 8:26).

Pabole jit ke apuni laga mon te, apuni milabo lage nijor ke mon te Krista laga. Khali raksha kori kene apuni laga monke, apuni rakhi bo paribo apuni laga jibon ke  thik.

Aji dhyan koribole laga pobitro kotha tu hoile 1 Corinthians 2:16 “kintu kun janishe monk e ami khan Isor laga ki tai shikhabo paribo Teon ke? Hoilebi ami khan ase mon Krista laga”.