Nov 12 – MON PRATHANA LAGA!

Philippians 4:6-7 “Nahobi chinta iku karone bi, hoilebi sob te prathana pora aru anurodh pora, dhonyabad logote, hobole dibi apuni laga anurodh ke janibole Isor ke; aru shanty Isor laga, juntu paar hoi sob bujia ke, raksha koribo apuni laga mon khan ke aru dimag ke Krista Jisu dwara”.

Ami khan pai shanty ke prathana laga jibon dwara, aru rakhe sob ami khan laga mon khan bhar loi kene Isor te ami khan laga gehra biswas dwara Isor.

Prathana jibon ase kaam usor ahi thaka Shanti laga Rajkumar logote. Ami khan prathana kore isor ke aru jane ki kinika ami khan hobo shanty sob logote. Kilekoile Isor pora dishe apuni ke avsar pratahana kora laga, aru atma prathana laga; apuni dibo lage apuni laga bhar khan ke aru chinta khan janibole Isor ke; aru rukhibi dhoyjyo kori kene Teon laga kotha.

Kilekoile Hannah thakanai bacha, tai haraishe shanty aru khushi kea mi khan porivaar te. Tai laga dushman uksawishe tai ke aru koishe jokhom kora kotha khan tai ke. Toh, tai nirnai loishe dhalibole bahar tailaga atma ke Isor ke prathana te (1 Samuel 1:15). Tai pura ulai kene tai laga mona laga bhar ke, tai laga chehra aru dukh te thakanai. Eli pondit, jun thakishe tate mondirte ashirbaad korishe taike aru koishe, “jabi shanty te, aru Isor Israel laga dishe anurodh juntu ke apuni mangishe Teon pora”.

Pobitro kotha koi “Itya tayar koribi nijor ke Tai te, aru thakibi shanty te” (Job 22:21). Shanty ase khara hoi kene sathi khan logote jitya tai kahn mon pora mon laga alochona thake. Jitya inika ase, apuni bhabna koribi bharpurn shanty ke jitya apuni thake khula alochona Putro logote isor laga, prathana te. Prathana ane divya shanty apuni te. Khali manu jun prathana kore thakibo thik shanty. “itya hobole dibi Isor ke akha laga bhorta koribole apuni ke anondo logote aru shanty kori biswas te, ki apuni gehrav koribo akha te shakti pora Pobitro Atma laga” (Romans 15:13).

Apuni kitya bi gussa nahobo lage jitya apuni age ahe Isor te shanty karone aru iku anurodh karone. Hobole dibi apuni laga anurodh ke janibole Isor ke, prathana pora aru anurodh pora.

Dhonyabad ase dibole khushi Isor ke sob ami khan laga labh khan nimite juntu ami khan paishe Tai pora. Prashansha koribi Tai ke kilekoile Tai ase ekjon jun hune aru jawab diye apuni prathana laga. Prashansha koribi aru dhonyabad dibi Tai ke sob achurit kaam khan karone.

Hobole dibi Isor ke bhorta koribole atma pora prathana laga aru anurodh laga! Titya apuni jhukibo Tai laga maujudgi te aru lobo apuni laga anurodh ke pura nomrota pora. Isor pora nacharibo apuni ke kandi thaka prathana te. Tai pora thakibo morom apuni te; ahibo usor apuni te; ahram dibo apuni kea ma nishina; aru dibo apuni ke shanty.

Aji dhyan koribole laga pobitro kotha tu hoile Psalm 55:22 “dibi apuni laga bhar khan ke Isor te, aru Tai pora rakhibo apuni ke; Tai kitya bi anumati nadibo dharmik ke hatibole”.