Nov 05 – BHABNA KHAN MON LAGA!

Proverbs 23:7 “kintu jinika tai bhabna kore tai laga mon te, inika ase tai”.

Bhabna, hobdo aru kaam ekta manu laga dikhai tai laga jibon ke. Theni khan ekta gash laga hobo pobitro khali jitya itu laga jor ase pobitro. khali judi theni khan ase pobitro hobo tai laga phal khan bi pobitro. bhabna khan jonom dibole hobdo khan ke; aru hobdo khan bodla bole kaam te.

Apuni hobdo lage hoshiyar apuni laga bhabna khan te. Apuni anibo lage sob bhabna khan ke bandhi te mana laga Krista te (2 Corinthians 10:5). Khali ekta manu jun ase jitya tai laga bhabna khan te paribo bachabole ekta pobitro jibon ke. Isor Jisu icha kore apuni ke hobole pobitro aru sapha sob apuni laga bhabna khan te aru icha khan tem on laga. Isor jane apuni laga bhabna khan ke aru icha khan ke dur pora; aru iku bi luki kene nai Tai laga nazar pora.

Matthew 9:4 te ami khan porhe ki Tai jane biya bhabna khan ke Pharisees, Sadducees aru Scribes khan laga. Itu nishina hi, din kahn te Noah laga, isor dikhishe ki biya khan manu laga thakishe dangor prithibi te,a ru ki sob icha khan aru bhabna khan tai laag mon laga thakishe khali biya nirantar (Genesis 6:5), itukarone, hobi bishi hoshiyaar apuni laga bhabna khan te.

Ami jane ekta maiki ke, jun thakishe prabhav te biya atma laga tai laga bhabna khan te. Satan koishe tai ke lagatar tai ke atmahatya koribole aru mori jabole. Utu maiki gali koranai utu atma ke juntu anishe inika biya bhabna ke. Aru tai jani kene bi thakanai abchabole nijor ke tagot te Jisu khun laga aru ghoshna koribole jit ke Jisu laga khun dwara. Tai shurur korishe kobole tai laga mota ke ki tai hekh kori dibo tai laga jibon ke joldh hi atma hatya kori kene. Tai laga mota bi  gali kornaia utu biya atma ke naam te Jisu laga; nahoilebi tai ke shikhai diyanai kinika bachibole itu bhabna pora.a rue k din mora tu  thakishe office te, kit u maiki korishe atma hathya tel dhali kene aru nijor te jui lagai kene.

Aji  utu iki kisim pai nirantar jinika manu khan  gire paap te. Tai khan bhabna  kore lobha khan ke mon te tai khan laga. Taikhan biya movies khan sai aru hobole diye utu  scenes khan ke mon te, aru diye jaga moila bhabna khan ke. Aru itu biya bhabna khan loi jai tai khan ke paap te, jitya tai khan pai avsar. Aru tai khan pachtai tai khan laga mon te aru kande inika biya golti kaam kora karone.

Judi apuni nadiye paap bhabna khan ke jaga,, itu nabarhibo paap kaam te. Judi apuni dhale himina bhabna khan te, itu biya janwar khan naghusibo aru biya nakoribo apuni laga bagicha ke. Isor laga bacha khan, thakibi ekta himina apuni laga bhabna khan te aru icha kahn te.

Aji dhyan koribole laga pobitro kotha tu hoile James 1:13-14 “kobole nadibi kunke bi jitya tai ase porikha te, “ami ke porikha ase Isor pora”; kintu  isor ke paranai porikha koribole biya pora, na Tai nijor ke porikha koribole dishe kun ke bi. Hoilebi sob manu ase porikha jitya tai alag hoi tai laga nijor icha te aru bhabna khan te”.