Nov 05 – Anogal J’e!

“Iten asan gamlenden anin engale anin a j’edam lingan ogandite, ettele anin daku” (Bangsa Hanang 23:7)

Bindo Itente d’onganle kan ordar-lingan daku er-hangdrangdage, do rugam bimbimlingan dakute, do janoldan, mananga do er-tu’uan. Kani d’ongan arasudan batte dile tordong dakute, kanalkalan do danukan do panadradan.

Bindo Kitungle a ganugu panemeng d’ongan abmete. Bananda d’ongan egale Krsitu Jisu batte yanarmengan a d’ongan ambrij (2 Korintianji 10:5). Er bangsa d’ongan banangsa dete do er marid d’ongan marid dete. Bindo Anin panunggen a deten adnang Anin ambrij anlen detabe, gamle anlen a galam, iten asan gamlenden, Oliba baru sikoija, Jisun ruangban tayele kun ayarmenglen a d’ong batte do goble a Uan a jandrumsengba.

D’onglenji janang Kitungan batte banandan dele, a Janggardan batte. Kitunglen a berna adangda ambrij”. Adangan a s’ing-ling saring adungte ambrij. Kun ambrij, Anin objongle Marid Janggardan a janabboban ate tarongyiman ambrij, ayon do adresiman. Ettele anlen Anin a d’ong gijtabe (Aparamangtan 6:5). Yan a ganugu do abangsa.

Kristu Jisu batte a yarmengten a d’ongan! Kun a d’ong batte, anigadan a s’ing-lingan ganeten a hanang-marji arukubalenanji. absittale sanabyun do dakule aninji ampara, engale Anin daku! Kun atanurdu-lingan a hanangna-maranji. Alung-maran ranadun hangte Janggardadage aganaga batte Kun asan. Anin a d’ongan do a mihaman anlen abmele tiyle kun asan d’onglen ganugu saring ganugu adeben asan  Kun ambrij Anin yarmengle. Anlen kan itente alon anab-unji abmele diyte ganalam iraban Edon Kuttan saring adungte ate. Anlen gagatenben yagitara bo dinna-lingan, d’onglen ranadun ahangben asan. Kun ambrij, Kitungan aberna amdangtaben along marlen banandan adeben asan.

Kitunglen a berna adangda ambrij, adangan a s’ing-ling saring adungte ambrij. Kun ambrij, Anin objongle Marid Janggardan a janabboban ate tarongyiman ambrij, ayon do adresiman. Alung-maran ranadun hangte Janggardadage aganaga batte Kun asan. Anin a d’ongan do a mihaman anlen abmele tiyle kun asan d’onglen ganugu saring ganugu adeben asan Kun ambrij Anin yarmengle.

Uan aganugu batte, Ganugu pisirdinji batte, er-hangdran d’onglen bandale ganugu yanarmengan tiyte. Ordardage a d’ong-lingan ruangdage a d’ong tiyte. Tanahimdam Kitungan a onagji, angante Jisu Kristun mang-ling-ben yirtai.

Okiy Kinolbe absele: “Gamangtungan saring hen pintu tanungengan delih, gamle pintu tanungjeng a delen a mandran buteja gamdongete. Iten asan gamlenden erszn batte Kitungan tanungjengan addeoe, bar Anindam buteja a d’ong pintun abmele attungjenge. Bindo dile mandran a pansardi-Ogil‘ magadan batte daningdingon do gagurkuran dean dale tanungyengan” (Jakub 1:13-14)