Nov 04 – KOKPIBAGI PUKNING!

“eina taretlak kokpiyu haiba nate, adubu humphu tararak kokpiyu haibani.” (Mathew 18:22).

Kokpiba wakhal haibasi asengbamak Iswargi oiba gun amani. Nangonda aranba tourakpa misingbu thamoi sengna kokpiba matamda nahakna Iswargi maiyokta touramba aranbasingbusu Iswarna kokpibani. Kanagumba mi amana kokpiba ngamlabadi mahakna    punshinbagi thabak touba ngammi adubu kokpidraba misingnadi tokhai tokhai tahanbagi thabak pangthok i.

Prabhuna chingthakki sermondagi houna Calvary Crossta awaba khangkhiba matam aduphaobada kokpibagi maramda sandoklammi. Mahakna mahakki seboksingda takpiramba haijaba aduda kokpiba asigi maru oiba adu takpirammi.

Eikhoigi lamda churches sing asi asukki matik machet machete taribasi karino? imunggi misingna punshinbada yamna awaba oiribasi karino? thajabasinggi marakta satanna khudongchaba louduna amang atak thok hanbasigi maram karino? masi kokpidabagi wakhallon leitabadagi thokpa ngaktani.

Matam amada Iswargi manai nipa amasi thangnaba saharda anaba amagi damakta haijabinaba barton phanglammi. Maduda phattaba thawaisingna  otpiba nipa amasi thengnakhi.  Madugi phattaba thawaisinggi makok aduna Iswargi manai nipa aduda “eihak antichristni” hairakkhi. Mahakna maduda kari touba lakkhibage haina  hangkhiba matamda mahakna church sing tokhai tokhai tahannanaba lakkhibani hai. Aduga akhabagi amadi laman khumbagi maru hunba lakkhibani hai.

Houjikkan asidasu church singda madugumba thabak yaori. Pakhonchatpa Paul aduna churchki damakta potlum leiduna churchki damakta khanbada mahak warammi haikhi. (2 Corinthians 11:28).  Pakhonchatpa Paulna phao church pu asukki matik khanbirabadi Jesu Christana masagi eemakta leibikhraba churchbu kaya matik khanbiramgani.

Nahakna kokpidabagi wakhallon leibagi damakta nahakna keidoungeidasu tokhai tokhai tabagi maru hunganu. Tokhai tokhai tabagi thabak haibasi satandagi lakpani haibasi keidoungeidasu kaoganu. Satangi damakta keidoungeisu matam piganu. Tokhai  tokhai taba haibasi hakchanggi thabakni. (Galatians 5:19).  Tokhai tanabagi maru hunba mising amadi napan toubagi wakhallon asina keidoungeidasu Iswargi ningthou leibak phangloi.

Iswargi machasing, kokpibagi wakhal leirabadi Iswargi gun adu nangggi nathakta leigani,aduga nahakki napanna lam aduda thuna revival lakkani. Amata oibagi pukning amadi nungshinabagi apunba adu lakkani. Ngallingei matamgi church adu yengbiyu.

Mathakthangbagi ka aduda mi cha amaga kun khakta pullammi. Makhoi mayam adu amata oina nungshi channana leirammi. Maram adugi dmakta makhoi aduna yamna panggal leina haijaminnaba ngamkhi. (Acts 2:1). Kokpibagi wakhal, pukningda amata oiba, amadi panggal leina haijaba asina eikhoigi lamda  achouba revival purakkani.

Dhyan tougadaba: yengu, kayada phajakhraba amasung ningthijakhraba machin manaosingna amata oina punna leiminnabasi!! (Psalm 133:1)