Nov 03 – DHUNDER MANN

Geeder grandh 139:23 Dev manna parakan Mar dallena malam karla,manna paricho karan Mar sosena malam karla.

Yetha “Mar maa dhundlutho dherveni,lapan Thu marema paricho kar. Mar thappun ma dhundena andher nai vejayu lapan thona gokan ma chupader veni. Dev manna parakan Mar dallena malam karla” Kan Davider arajena dekacha.

Apanen avajako sey dukhana kanakenu katho apaner dallema avajako sosen hachethi paricho karlen deklatho vacha. Jannaj thu Prabhur asaan puro kartho sashwith jeevanema anandethi dagarjayechi. Abba yee dhunder manner bagey malam karla.

1. Paap :- Geeder grandh 66:18 Mar dallema papena rakadutho Dev Mar vinathina kaan deni. Dallema papena, mellero katho vu dharmamena vyathirekvagi chaleroj. Yee papethi Deven khathar veni. Mathai 7:23 vachanema Prabhu Yesu kannai thamena valakuni,aagbukker kamevalavo, manna chodan cheti javo Kan kevalo cha.
2. Yee lokmer manna :- Romavalun 8:5 vujii jeevadar vodi chaleval jeevadar vadi sos karacha, pan Athmar vadi chaleval Athmar vadi sos karacha. Yee lokemar manna katho kai? Vu Pavithar Athmar vath maneniju sonth jeevadar nai chaljayeval. 1Corinthivalun 3:3 thamema pet balleran vaadavaadina ladai chajethi,tham jeevadarven manikyar paddathima chalocho kunika ? Kan Dever vath kericha.
3. Garaber sos :- Romavalun 12:16 yekken yek yekkaj manner nai revo, motpaner vadi sos kareniju, saan manikyar sath bhalamalan ro,thamar thammaj genival Kan kelomath.
4. Kam denijako sos :-  Ephesivalun 4:17 jethi Prabhuma ma thamena Sakshi dakal kerojako khabar kaikatho- paral jann vunder taalo sosema chalaju,tham abbepar chaleniju thamar tham Prabhuna havaal karlo.

Ajji jada dhyan karen pado  Romavalun 12:2 Tham yee dharthina chajer saayana perleniju, achon, maaneran, bharpurer Dever khathar kunasko Kan  valaklen thamar manna navvo vajethi rup badlalo.