Nov 01 – WAKHAL!

“adubu Merina hairiba pumnamak asi mapukningda thamjinjakhi amasung munna khankhi.” (Luke 2:19).

Eikhoina wakhal touba yabasi Iswarna pibibani. Eikhoina thabak oina pangthokringeida khanbasi lousing leibagi matouni. Wakhal khanthadana thabak touraba tungda ningamdabasi apangbagi thabakni. Iswargi aningbagi matung inna thabak pangthokpa ngamnanaba nahakna haijagadabani.

Sastrana hai, “ maramdi mahakki a penbagi damakta touningnaba amasung thabak tounanaba nakhoigi nungda thabak toubiba adu Iswarni” (Philippians 2:13). Wakhalsing asi chumdrabadi thabak sing adusu aranba oiragani. Aduga aranba thabak aduna  punshi chupppa amang atak purakkani

Aremba amadi phattaba wakhal sing adu mutthatpa asi maru oibani.  Sastrana eikhoida asumna hai, “ manungdagi , haibadi misinggi thammoidagi hairibasing asi thoklak I, phattaba wakhal, nipa nupi lannaba, lamchat naidaba, mihatpa, huranba, karamba, phattaba, lounam touba, ludaba lamcaht, mityeng phataba, thina ngangba, chaothokpa amasung apangba. Hairiba phattaba pumnamak asina mi amagi manungdagi thoklaktuna mi adubu manghalli.” (Mark 7:21-23)

Eikhoigi wakhalsing asi karamna chumna thamba ngamgani? Eikhoina karamna aphabasing khanba ngamgani. Ahanbada, aremba amadi phattaba wakhalsing adu nahakna phajinduna keisum sangda thamgadabani. Pakhonchatpa  Paulna asumna hai, “ maramdi eikhoina soknariba langi khutlaidi hakchanggi nate, adubu lanban thugainaba Iswargi mapanna khutlaising adugi mapanggal leibani. Yetnabasing amasugn iswarbu khangbagi maiyokta leiba nawangba wakhal khuding manghalli, aduga wakhal khudingbu Chrisana haiba ilhannaba phadokkumna purakle.” (2 Corinthians 10:4-5).

Eikhoigi langgi khutlaising adu kari karino? nahakna madusinggi maramda  Ephesiangi pandup 6 pada 13-18 manung asida uba phanggani. Haijaba asi langi khutlaini, Iswargi wahei Thawaigi kabakthang asisu atoppa khutlai amani. Yaomachagi ee amadi Testimonygi wahei asi achouba langi khutlaini. Nahakna masigi khutlaising asi sijinnarabadi nahakna aremba wakhalsing adu mutthatpa ngamgani.

Anisubada, nahakna nahakki wakhal asi khudam chanba ngamnanaba, Iswargi thagatpa esei asi matam leiba khibikta nahakki chinda amadi thamoida leigadabani. Iswarbu thagattaba misingda pakhonchatpa Paulna asumna hai, “ maramdi makhoina Iswarbu khanglabasu, makhoina mahakpu Iswarni haiduna thagatte, aduga thagatningbasu leite, adubu makhoigi wakhal makheisu aremba oirakle, aduga makhoigi pangba pukning mamsinhalle.” (Romans 1:21).

Ahumsubada, nahakna hakchanggi oiba wakhalsinggi mathakta lan ngamba adu oininglabadi nahakna nahakki thamoi adu matam leiba khibikta Iswargi waheising amadi mahakki wasakisngda leihangadabani. Nahakki thamoi adu langeini aduga nahakna khalliba khudingmaktu nahakna nahakki thamoida khomjinkhrabasing adu gi maramda nahakna khallibani. Nahakna nahakki thamoida Iswargi wahei  khomjillabadi Iswargi waheigi maramda yumpham oiba wakhal khangani. Iswargi machasing, nakhoigi naraktagi phattaba adu hundokkhro, Iswarda haijou aduga Iswargi waheigi maramda dhyan toubiyu.

Dhyan tougadaba: aduga khangba pumnamaktagi hendoklaba Iswardagi lakpa ingthaba aduna nakhoigi thammoi amasung pukningbu Christa Jesuda ngak senduna thambigani. : (Philippians 4:7)