Oct 26 – GENER VARA

Romavalun 11:33  Aaha, Dever saavukar pan genan akkal kajer vundo kathraiko cha

1 Corinthivalun 12:8 kimkatho- Gen kajako Athmar vara ven cha.1Corinthivalun 2:10-11 Pan Dev vundena vor Athmathi apanena malam kidocha, vu Athma solinan Dever vundena gholacha. Manikyamar Athma savaa kun manikyamar  valaker vacha? Hanuj Dever sosena Devero Athma sava koithoi valaker veni.

Agediya thona yee Athmar vara kajako gen chavunu jannaj Dever kamen puro karer vacha. Jethi Vimochangrandh 31:1-5 vachanema chaju Besalelen Dev Deran bhandhena vu Kamen puro karena Dever genethi bharan kido kan dekacha.

Deemo, Aposthaler Kam 6:1 prakar sey thara savaalen samadhana kenu katho yee gen chavunu. Kunsi thara samasyan hannuj puro karnu katho thona bharpurethi Dever gen renu. Vu yee lokemar vathoi athmikvagi samasya rathoi ghan katmalo ajji admir dall bhanden Kam dacha.

Theenmo, apaner aakthi pakthima chajako manikya kunas prashna puchathoi vona samadhan denu katho yee Dever gen chavunu. Yindema thodsek thona atkanakena ajji thodsek vunder vythirekathama prashna puchu karacha. Jethij Gener vath 26:4 Bagar genina vor bagar genervadi javaab da, desenitho vor nanzarema vona geni kelacha.

Charmo, Gener vath 11:30 prakar Christhur vasu Athmana kamayena yee gen chavunu.  Thodsek viswasiyuna ach khabar kevo katho, vunden malam chajako thamar dev labbari cha, tham sey dhudenan bhatana puja karocho Kan kevu karacha. Vona samlan jannema dall ghatt vejathanu hammar devena athra bhanadach kai Kan badlayeniju racha. Jethi Mar premer Dever beptavo thona chavunujako genena akkalena Dever Dai puachlastho Dev thona denakacha.

Ajji jada dhyan karen pado  Yeshay 50:4