Oct 25 – TAGOT BUDDHI DWARA!

Proverbs 24:5 “ekta buddhimaan manu ase tagotwar, hoi, ekta manu laga gyan barhay tagot ke”.

Ecclesiastes laga kitab tea mi khan porhe: “tate ekta chutu nagar thakishe olop manu logote; aru ekta dangor raja ahishe khilaf te itu laga, loi loishe itu ke, aru bonaishe dangor phanda khan itu laga gherav te. Itya tate paishe ekta dukhiya buddhimaan manu, aru tai laga buddhi pora bachaishe utu nagar ke. Titya ami koishe: “Buddhi hi bhal ase tagot pora. Hoilebi dukhiya budhdimaan manu ke phelaishe, aru tai laga kotha khan hunanai” (Ecclesiastes 9:14-16). Buddhi dukhiya buddhimaan manu laga aru thakishe labh raja laga tagot pora bi. Aru buddhi logote utu dukhiya manu  pora bachaishe nagar ke.

Ekta dangor dal manu laga jai thakishe anand yatra te bus pora. Hoilebi achanak, tate thakishe dangor jhagra majete duita maiki laga eki logote bohi thaka; aru driver pora rokhabole lagishe bus ke. Ki thakishe karan utu jhagra laga? Ekta maiki icha korishe khirki ke khulibole taki tai taza hawa pabole; tai koishe tai saans napai ke morijabo. Aru dusra maiki icha korishe rakhibole khirki ke bondh; tai koishe tai mori jabo tdhanda haw ate. Ki pora ulaishe itu chutu jhagra hoi kene, barhishe ekta dangor jhagra te, logote dusra manu khan bi bhag hoi kene dui phine. Aru itu ke niyantran koribole npaara hoishe, aru itu dihishe ki hath uthai dibole ekjon dusra jon ke.

Ekta buddhimaan manu  utu dal laga majete saishe utu pura jhagra ke aru koishe, “ami khan sob bi dishe itu anandh yatra karone. Aru itu duita maiki iman samasya ani ase ami khan ke. Rakhibi khula khirki ke adha ghanta karone, ki ekjon morija nishina. Aru rakhibi bondh khirki ke dusra adha ghanta ki dusra manu bi mori jabole. Aru inika ami khan nirantar rakhibo ami khan laga anondh yatra ke”. Jitya tai khan hune itu buddhimaan kotha khan ke, tate shanty thakishe sob te; aru tai khan nirantar rakhishe tai khan laga yatra ke.

Raja Nebuchadnezzar adesh dishe tai laga buddhimaan manu ke morabole, judi tai khan napare kobole tai laga sapna ke. Aru kun bi khara koribo paranai khilaf tai laga tagot laga; adhikaar laga aru khong te Nebuchadnezzar laga.

Hoilebi Daniel thakishe divya buddhi. Tai jaishe  raja laga usorte aru hudishe hoimoi karone. Titya tai prathana korishe tai laga sathi khan logote maujudgi te isor laga. Aru hekh te, tai janaishe raja ke sapna aru itu laga motlobke. Aru utu karone, raja charishe taikhan laga jibon ke sob buddhimaan manu khan laga Babylon te.

Isor laga bacha khan, ekta buddhimaan manu ase tagot. Apuni ke lage buddhi, koribole apuni laga sob kaam khan ke, chutu dangor hoilebi. Judi kunuba komi ase itu te, mangibi Isor  ke buddhi karone. Aru tai pora dibo apuni ke (James 1:5).

Aji dhyan koribole laga pobitro kotha tu hoile Ecclesiastes 7:19 “budhdi tagot kokre buddhimaan ke bishi dosta raja khan pora bi nagar laga”.