Oct 18 – Awr Banuddin!

“Bindo bogad mang-ling-ben buteja banuddin sanaisaijan delenden, kuddubanji a d’ong eramuiloge a tiytiylangtenan, do akkaihkaihlangnen a Kitungan amang saring garberete, do anin a d’ong taniyan dete” (Jakuban 1:5)

Kitungan tiylaben Marid Janggardan barijloge tiydamnan batte Kitungan a baran alumben asan do bzgardanji aurungben Kitungan amangban asan. Anten asan, Janggardadage alanuman absosodong. Amben royongan ahangleja orde adhangleja, barijloge a bernan a oblingben dete. Ateng mandranji daku Janggarda aranaptin saiteji do a taniytiyan. Bindo aninji a tiydamneji (Kolossi 2:3). Kitungan abaran abmele didargam. Bo baran daku Janggardadage a taniytiyan abmele.

Iten asan gamlenden aninji Kitungan a baran abmele adyiraiji. Taniytiyan batte, Kitungan a hanangna maranji a d’ong gamle, “Seletten Anin hanangna maranji a d’ong gameten, Jarditen gamle agale saran ateng, bindo bara maranji asui. Anten asan agale saran a Gamangan amang garbernaba, yante gamle Anin agale.

Jannongban bara maranji a d’ong appaite, Janggardadage a bara-lingan ardute, do mandrengnaben abdainate barij tiydamna batte a baran. Anin appaite a hanangna maranji bagu bagu abmele do  rumang baran batte. Kitungan gamle, “Uante uante a darakuna lingan ahim-Hen abayimtaben, kun a kuddub darakuna lingan Hen mangba-ben iyan iyle d’ong-ben absittatai”. Ite deleja bara-ling-ben bigarda a bara-lingan, Kitungan amben ampara dakuten d’ongben rabdule.

Kitungan gamle, “Bogad buteja d’ong-Hen gang-killenden anin sandungihte. Bar uante Hen daku, tetten gangkilmar-Hen janang dakuten. Bar bogad buteja d’ong Hen gangkillenden, anin a d’ong U’an abpemengte”. Yan a banangsa kan ate Kitungan batte anabgugu a deben asan (Jisaiya 11:2).

Angante ordardage a raja Ahsuras mandran a d’ong abguguben itsumle, anin rajadage a sindrin batte, adrubable ranubbaban batte do amdaile kurta-lingan. Angante ordardage a raja mandran a d’ong abgugute kan ambrij, yan a man’oihan dete bogad ruangan a Raja, U’an Kitungan, baile d’ongben oblingleden.

Bangsale lumle, bangsa do Dirnadage boantan, Kitungan na danena do Kitungan a baran abmele. Anin itsumte itente bangsa a boantanji abmele. Anin a baran barijloge togidage abmete” (1 Korintian 1:5). “Itente a sanu handraman asanggem-ling-nam sanabjan dete, antate hanandraman adde-e, bar ayengan a dile langan asanggem-ling-nam dzlen bitsarate.

Aman anin a d’ong abdusate; kanate GAMANGtungan a boantanji a danen, bar kanate Hen saring aninji a ranoitadan. Kanate GAMANGtungan gamte, Tanahimdam Kitungan a onagji, ateng mandranji adgalameji janardin Kitungan.

Okiy Kinolbe absele: “ranoitad lingan anlen a lanum baran asan ted, bindo Anin a tam asuyeman ambrij Marid Janggardan a barkudan do rong ganadelan a anumanan batte Anin ablulalen. Anta Marid Janggardan Ablu Mar Jisu Kristun batte Anin l’apurge mangba-len rumaeten” (Titas 3:5-6).