Oct 17 – Awr Bangsa Beran!

“Anargal pwrardan abmele sayu d’an engale, sangai desan saring a yertaian a bangsa panglangberan ettele” (Bangsa Hanang 25:25)

Onla maranji saring, moloi ajar mandranji sattamg adam dakuleji Jisu Kristun amangban do a bernan amdangben asan. Do kun moloi ajar amandranji, moloi soa sattang ate, Kitungan a tanalmadan gijleji. Amben arabangle po butten Kitungandage a tanalmadan hangleji. Tanalmadan adakulenden (Mark 6:34).

Mandranji sangai yirteji do sanid-lingan sidteji. U’u, amben tanalmadan a hangben dete – garberan abmele, Kristun asan mandranji anablun abmele, baran do kudduban lanangkaban saring, Kitungdaman abmele. Sattangden.

Agarbertepo danukka j’en batte, bara-ling-ben banargutulan deben dete, ateng mandranji adyarj’enaben dete, do Kitungan atanurdu-lingan. Lanangkaban saring lanangkaban ayirben dete janggardadage a mandrengna-lingan, kun atanalmadan ahangben asan Kitungan a mang saring. Tanalmadan Jisaiya ahangle ate bo surda tumadgijmar dele. Angante Raja Ujia kahidle, anin omdile Kitungan atanurdu-lingan do garberle abpunggeben butte dete ayirtaih ayam a Raja gamle.

Do Kitungan absuile tanalmadan. Aparmangtan, anin galamle butten Kitungan, anab-bagu-lingan, anin galamlen anindaman butten. Anin edalen danukkan batte, gamle “O hen kani, Hen er lanumdage! Iten asan gamlenden hen mandran er marid usaltaman” (Solomon a Kanenan 2:3).

Kun atanalmadan batte, manaridan dele (Bangsa Hanang 15:30); Do bo surda tumadgijmar dele (Bangsa Hanang 12:25). Tanalmadan a taniytiyan bo murdadage abernanbarij garberan batte, kuddub kanalkalanji a surpidtaben ate, gadlamben a pintunji apingbabe abmele Kitungan amangban.

Do Kitungan batte bar-maridben asan. Kitungan gamle, “Do GAMANGtungan gameten, Amben berna-Henji amdangba. Bogad amben amang lingan tungmadgij maran dakulenden, Hen anin a d’ong tanalmadan batte Hendam apsuidam-tenai, do ganumten batte anin a d’ong bertai. Damascus a tangorban anappai Pol a d’ong tanalmad tiyle Kitungan. Kun a tanalamadan batte raduloge (Ayob 19:25-27).

Tanahimdam Kitungan a onagji, amben janang Kitungan a tanalmadan ahangben dete. Amben marid do murdadage tumadgijberlingan adakunaben dete. Ajardina tanalmadan addakulenden, mandranji s’idteji. Kun a dinna-lingan ayengan.

Okiy Kinolbe absele: “Bar Anin- opungihten, Asuyem- Hen tullatam, iten asan gamlenden, er tulan batte ranapti-Hen hadab dete. Anton asan er t’ul-henj i abmele karran man’oihan batte kinsatenai, yante gamle mangba-hen Kristuna ranaptin rapti dakuten” (2 Korintianji 12:9).