Oct 14 – SOLINA DEVALO BETA

Romavalun 8:32 Voro thanner betani Dena hoto kareniju apaner servas vona havaal kidojako, vorsath laarer solina apanena deniju rero Kim?

Apaner Prabhu Yesu Christhuj sey ashisenan sey thara hachapanen yek panir veri ven cha. Apan madath lelajako gatala vu Prabhuj. Yek yadi bhulathoi thona kannai bhulenijako Dev cha. Apaner kamjorema vathoi herdelalevalo Dev cha.

Vu Dev kidojako srustir vadithi sey barobbarethi sopthi karevalo cha. Yeseithi jada Dev Voro sonth yekloj beta Yesu Christhunaj moto varar nai denakocha. Yesu Christhur vadithi lajako varavo ghano apurupavagi racha. Voseji Dever soganevon,bodhavon,Dev dajako swasthatha, Dev dajako hach gunevo,apurupavagi chajakona, mahima ajji sey ghanatha bhalan cha.

Ajji yesejithi jada Christhu vonvuj apaner vasu havaal karlido. Athra moto premenan,  thyagamer bhokanena herdelalen Prabhun stuthi karan puro dallethi dhanyavad karechika? Jethij 1Corinthivalun 11:23-25 vachanema Thamena ma havaal kidojena Prabhuthi leldochu, kaikatho- Prabhu Yesu pakadayejako vu rather vagath baatina lelena stuthi karan- vona thodan tham lelen khavo, yee thamarvas thutajako Mar jeevada cha,Manna herdelayena yena karo Kan ko. Baati khadejer pacha vu vornaij kacholina lelen- yee kacholi Mar loyeer Navvo Kararer cha, tham yena pivajana sey Manna herdelayena yena karokan ko.

Katho yetha Dev Voro yeklo betan vathoi leko kareniju apaner vas bhokano karanako. Yesu Christhu sada vor sonth jeevanenan leko kareniju Voro loyeena jeevadana apanevasu denako. Yee khabaren thu dhyan karasjana Aposthal Pauler nai thu khushir dallethi Dev dinojako heryek hach varavur ghali dhanyavad kevunu kinika.

Athra jada prem kidojethij bharpurethi ashisen ajji varavun derocha. Vuj vathen apan Yohan 3:16 vachanema Dev jagena kathraiko prem kido jethi Vu  Voro yekloj betana dino, vona viswas kareval koithoi haal veni pan shaswith jeeven palacha. Deemo vupadeser grandh 23:5 vachanema chaju thar Prabhu thona prem karrocha jethi sarapen ashser nai badlavani karankocha Kan vanchacha.

Abba yee vagathema thu kruthangnathar  dallethi rechika? Thu vu Prabhur hacho namen hakamarechika? Bap Dever namethi Yesu Prabhun puchlatho chavunujako seji duchu Kan hakkam demelocha. Thar bagey Prabhu khyal karojako seji puro karacha. Aaj vathoi thar vasu Baper jamman pakthima bhesana Pradhan Yajaker nai vinathi karan jathanethi banchadro konika!

Ajji jada dhyan karen pado Yohan 1:12 Vor namena viswas karan, vona maanlidejako heryekeni,Dever beptaver hakamena dino.