Oct 11 – MARANG KAIBA BOR!

“thajaba yaba mi adu marang kaina bor phanggani. ” (Proverbs 28:20).

Iswarna nahakpu marang kaiba bor aduda pik than hanningi. Mahakpu aphaba khudingmakki, athoiba khudingmakki,khudol khudingmakki amadi panggal khudingmakki hourakphamni. Nahakna mahakki macha oibana maram oiduna khudingmakpu ithan thanba Iswarna nahakpu marang kaina bor pibiningi.

Nahakna marang kaina bor phangnanaba Nangondagi Iswarna pamliba adudi thajaba yaba aduni. Thajaba yaba mi adu mahakki marang kairaba born a pik thangani. Nahakna khajiktada thajaba yaba oirabadi Iswarna nahakpu ayambagi mathakta pannahangani.  Adubu thajaba yadabasing, minambasingbu,aranba wa sandokpasingbu chaokhatpagumna uba yai,adubu makhoibu aroibada maithiduna awabada tagani.

Kanagumba amana thajaba yaba punshi hingba matamda,awaba changyeng thengnaba eikhoina uba phangi. Sastrana hai, “ dharmachenbasinggi awba yammi, adubu Iswarna mahakpu madusingdagi kanbigani.” (Psalm 34:19).

Danielbu yengbiyu. Mahakna mahakki thabak khudingmakta thajaba yaba amadi pukchel sengna tourammi. Adubu sasan paiminnaba mi kharana mahakki asoiba adu koi thi thirami. Sastrana hai, “ adubu mahakki aranba amatasu phangba ngamlamde,maramdi mahak thajaba yaba mini,aduga mahakki thabakta kari amatasu asoiba aranba phangba ngamlamde.”  (Daniel 6:4).  Adubu makhoina khujil thourang touduna ningthouda sumhattuna makhoigi thourang aduda yahankhi aduga Danielbu nongsagi makonda thajinnaba tourammi. Adubu Iswarna nongsasinggi machin menbiduna ngakthokpire.

Danielna nongsa makondagi thorakpada mahakki testimony adu kari oirambage? Mahakna haikhi, “ eigi Iswarna mahakki  dutsing tharaktuna nongsasinggi machin menbirammi, aduna makhoina eibu karisu sokpidre,maramdi eihak asi mahakki mityengda aranba leitabani,aduga o ningthou nanggi maiyoktasu eina karisu touba leite. (Daniel 6:22).  Maram aduna Danielna Darius amadi Cyruski matamda chaokhattuna leibani. (Daniel 6:28)

Prabhuna masana thajaba yaba Moseski maramda sakhi asumna pirammi, “ Moses adu Iswargi imung apumbada thajaba yarammi.” (Hebrews 3:2). Maram aduna Mahakna Mosespu sijinnaduna angakpa thabak kaya tourammi. Aduga Egypt machasingbu awaba kaya pibirammi. Aduga Moseski mapanna Mahakna Israel machasingbu handokpiduna wasakpiba lam adu tanna pusinbirammi. Tasengna thajaba yaba mi aduna Iswargi marang kairaba bor adu phanggani.

Iswargi machasing, nakhoi thajaba yaba oiyu. Iswargi damakta thajaba yaba asengba mising, Joseph, Moses amadi Daniel makhoibu karmna Iswarna wangna thanggatpibage haibadu yengbiyu. Makhoigumna nahakpusu Iswarna wangna  thanggatpigani.

Dhyan tougadaba: “mahakki thabakta heisingba mi adu nahakna uribra? Mahakna ningthousinggi mangda lepkani,mahakpu sak khangdaba migi mamangda leploi. (Proverbs 22:29).