Oct 08 – BAROBBAR VEJAYERO

Colossivalun 1:28 Heryek manikyani Christhu Yesuma puro vaddajer nai thamadena,vonaj ham prachar karan, Heryek manikyani akkal Ken, Heryek soli genethin vor barema prachar karrecha.

Yee vachanema Aposthal Paul vor balavnir bagey malam karrocha. Heryek manikyani Christhu Yesuma puro vaddadan hubarkadnu Kan Dever khathar Kan kerocha.

Aaj vathoi vuj agnan vor sevakevun sada demelocha. Yek admin paschathapa man vimochan pavaju chalayero mot vath koni pan vu admivuna yek sabhar nai Christhu Yesuma barobbar thayar karan vundena akharithanu chalayeroj mot vath.

Yek Dithvarer dad sevakarevalo Yesu jhaldin arocha jethi tham barobbar ven thayarethi renu Kan kethanu thamadnako. Vundadethi manna dhak Lagan ma dadi barobbarethi vaddan vu Prabhu Yesuro mujdag pavithrethi hubarnu Kan theermana karlido. Christhur nai banchero katho apan christhuvaler vatema chaleroj Kan herdemellenu. Hannu katho barobbar rero ku?

Christhu Yesuma hazarema Dever gunevun apan valakeja. Vundema yek yekeni kukan barobbarethi chaljavnu? Vu Prabhuma chajako Prema, Kam karlero,kanikaramema,araj karer jeevanema,krupama, vinamrathama kukan barobbar chalnu? yesejini Anusaran karan kanna baroobar venu? Assal yee barobbarethi rero apanen sadhya vachka?

Yeklo Dever sevak Christhu dakal banchero kajako kamen chonaken, vu Christhunaj swathanthratha karlen apaner soli kasta padanu lagacha Kan ko. Yesu Prabhu barobbarethi cha. Vuj Prabhu marema vasarocha jethi vorema chajako sey gun marema rejavacha. Athraj koni lapan Pavithar Athma sada marema vasarocha jethi vu manna soli sathema chalan vu manna barobbar vatema chalavacha. Yeej bharosethin himmathethi aang badan javunu.

Dever beptavo Prabhu Yesuna ghatto jhallastho vu Prabhu barobbar krupathi tharema rejavacha. Vu Prabhur vatema barobbarethi chaljavatho thu sos karesni jummaj Christhur gunevo tharema vasjavacha. Ajji thona malam cheniju Christhur sayaama badlajathanu Dever namen mahima  karechi. Vu Yesu Christhu Prabhu pharan avajana, vu thuthurar avaaj samalas Jana yekkaj ghadima thu badlajathanu vu mahimathi ajjek mahimathi vupadjachi.

Ajji jada dhyan karen pado  1 Yohan 3:2  Premevalavo, Abba apan Dever bepta cha,abbepar Kim remachakan ajji malam vikonthi athoi vu aan dikavajana vu chajunj apan vona dekiya jethi,vor nai remachakan apanena malam.