Oct 09 – PRACHUR JIBON!

John 10:10 “ami ahishe ki tai khan thakibole jibon,a ru ki tai khan thakibo itu ke bishi prachur pariman te”.

Ami khan isor ase Tai jun diye sob ke jibon, saans,a ru sob saman khan ke (Acts 17:25). Iku saans nathaki kene, kun bi ami khan jiyai thaki thakanai. Isor proa bonaishe manu ke mati pora niche laga,a ru saans dishe tai laga naak te saans jibon laga;a ru manu bonishe jiyai thaka jiv (Genesis 2:7).

Aru ek din paap ghusishe jibon te manu laga. Kiman biya ase paap,aru itu laga natija? Pobitro ktoha te koi, hajira paap laga ase mrityu. Satan jun ase karon itu paap laga, bisare morabole aru khotom koribole. Tai nahe ani hoilebi ahe churabole, morabole aru khotom koribole.

Jitya ekta mota janishe ki tai laga maiki pora dhoka korishe tai ke, tai phelaishe acid tai laga chehra te. Tai laga pura chehra joli jaishe; tai suku dikha bi harai loishe;a ru kandi thakishe bikh pora. Tai ke joldh hi chikisak te loi jaishe. Judi bi tai ke bachai loishe, tai laga chehra pura beya hoishe aru sabole napara.

Paap bi inika hi natija ase jibon te manu laga. Kilekoile paap karone manu haraishe tailaga swargya roop aru mahima;a ru haraishe tailaga milap Isor logote. Tai haraishe rishta ke abhan laga Isor, Abba, Baba; aru harasihe tai laga adhikar aru raj juntu Isor pora dishe tai ke; tai haraishe swargya visheshta a ru gunn. Isor Jisu ahishe niche itu prithibi te bachabole manu ke jun girishe paap te.

Jitya ekta manu ke chikitsak te bhorti kore, ekdom gambhir halat te nahoilebi rog logote, poila uddesh utu chikitsak khan laga thake tai ke abchabole mora pora aru tai ke jinda rakhibole.a ru pichete hi tai khan  kore sob ji tu dorkari ase tai ke bhal swasth te anibole. Poila tai ke bachabole lage,a ru pichete hi tai ek koribo tagot.

Jisu Krista dishe Tai lag jibon ke bachabole ami khan ke aru anibole amikhan ke wapas jibon te, jun thakishe mora paap te aru galti khante.a ru itu pichete, Tai bodli kre ami khan ke tai nijor nishina aru loijai poornata te. Itu motlob ase itu podh laga: “Ami ahishe ki tai khan thakibo jibon,a ru ki tai khan thakibo prachur pariman te”.

Apuni pabo lage hodai din laga jibon aru prachur jibon ke. Khali teni hoile apuni bodli hobo roop te Krsiat laga, Tai aha te. Itu ase ji karone ami khan ke mate jinika susmachar mukti laga nahoilebi susmachar mahima laga. Poila kadam, ase chutkara Egypt pora, aru dusra kadam ase pabole Pratigya diya mati ke,a ru mati bahi thaka dudh aru shehed logote.

Isor laga bacha khan,a puni hilibo lage tagot pora tagot te,a ru pabo lage mahima pora mahima ke.

Aji dhyan koribole laga pobitro kotha tu hoile Colossians 1:28 “Tai kea mi khan prachar kore, hoshiyar kore sob manu ke aru shikhai sob manu ke sob gyan, ki ami khan dibole sob manu ke poorn Krista Jisu te.