Oct 05 – Barij Mandrengna!

“Osantan amben a mandrengna danisam minhum-Hen badrijtai” (Hanagod 23:26)

Angante Kitungan oblingle Sinai a barun abmele, aparamangtan ayam, Anin gamle, “Ante saring Kitungan jalangle gameten, Hen aman ampara dakutenai, bar Hen d’ong-nam appailam, Kun arabmadan galamte, manan, Misor saring kan mandranji a d’ong amdungle urunglaian a tiki amben kan a baru lingan Kitungan a d’ong gangkilte. Sinai a Barun sanensenan a darakuna. Angante Kitungan Israel maranji a d’ong boantas’ingan saring amdungle, Janggardan do Janardin batte agankilben asan.

Anablun ayangben asan, Kitung-lingan m’oihlen agankilben dete (Aparamangtan 5:5). Engale amben asenkendrate, Kitungan a tanurdun yirtai mangbaben. Bar Kitungan hiytai-dakune sanenkendra-lingan, tanimyiman batte yirtai do basute manglingben (Aparamangtan 6:3). J’e ganingan kun amanengan Israel amandranji, mailen Kitungan a d’ong gankilleji. Angante Paro do a sanu maranji kun ganinglingan galuleji, aninji man’oihan batte abgugule senkendraleji (Sanenken 90:10).

Do gamleji: “Kinba Kitungan amangban, Anin ablu’aiten gugudage! Sanu kurtanji do kuddub amandranji abs’idle!” Anlen kinolle raptitabe a kaninkinanji do asanensenanji Hanagod kamb’ol-lingan, a surda lingan (Jakub 4:14).

Yangam amben adgankile Kitungan a d’ong kuddub danusanji tabmadle, kuddub erbangsanji abs’idle, do ablulaben asangem (Sanenken 90:5-6). Maran amang saring do anuran tiylaben, Miriam, a tonan Aaron (Ayob 7:6). unjikurdi mihnum dakule. “Ante saring Aron a tonan, tungmadgijboi Moriyom (Ayob 14:1). a s’i lingan yaragge-dingan pangeten do kuddub insalonji ettegoi na.

Yaragge-dingan pangle tongle tongle Moriyom a d’ong sandungle, Angante aninji Sinai a barun arduleji, a sanensenanji enengoi dakluben dakule. Aninji Manna a jumlenji ayam, itente ruangan saring ate, dile dinna anabhanan deleji tartub sunan do togi sunan batte. Do aninji radu deleji do marangleji. Nami janang (Sanenken 91:16).

Bar angante Mojes yirai Sinai a Barun saring Kitungan a barun, amukkan puangle. Barij puangle amukkan Israel maranji giyle adraptiadji “Ante saring Mojes a mukkan t’artenate Israel maranji gijleji (Aparamangtan 25:8). Ante saring Mojes GAMANGtungan ampara arberben asan dajing ayam sikkoi ja alungsingban agganad, dijte ayam sikkoi ja (Aparamangtan 35:29). Tanahimdam Kitungan a onagji, angante amben a yirte.

Okiy Kinolbe absele: “Iten asan gamlenden hen batte dinna-namji marangte, bar ayam-nam a minhumanji marangle yerte” (Bangsa Hanang 9:11). “GAMANGtungan abmele banan- tongan, dinnan madrangte” (Bangsa Hanang 10:27).