Oct 04 – Barij Janardin!

“Bindo angante Janardin Janggardan yertai, seletten Anin kuddub janardi lingan abanjengtaben” (Jon 16:13)

Israelanji hanagod-lingan dakuleji aringringgodban, ajanibjiban a desaban, misor saring asangailenji a tiki. Kun ayam, Amalekianji yiraiji amangba abumungdage, adangben do asanuben asan Kitungan a onanji ad’ong kun danetenji saring adangdage adesanban, itente Kitungan jibjible a d’onganji, ‘Amalekites’ gamlenden ‘d’ongan.

Do aninji d’onge-lingan aboina radu, do itsumdaman ambrij amengnaben d’ongdage anabs’idan. D’ongdage abs’idtaben a janggardadage anabsidan ambrij do d’ongan batte. Ajardinna jangardadage a itsuman, bindo d’ong aert’ulan. Kun amalek a udleng onan Esun, do a onan Elipas, Timna kudle, Anin Edom a Kitungan dele. Aninji Abraam saring a yiraiji amandranji, aninji Kitungan a d’ong adsenadji?

Aninji a d’ongdamanji derderlenji do a itsumanji ambrij. Angante Mojes gijle Amalekites do aninji amangban sanulen, anin gamle Josua: “Seletten Mojes Josua a d’ong gameten, Aman anlen apsele man-dranji seda-an sedale Amalek ampara a sanuben asan yerba.

Biyo hen s’i-ling-hen Kitungan a danggun donsile, a muttibwr lingan tanangtai. Ante saring Mojes a tam banai-han ambrij, Josua Amalekanji ampara sanueten bar Mojes, Aron do Ur kan aninji muttibwrban daileji. ams’in anindam Bar Mojes teredlen adnang Israelanji dainan hangleji bindo anin a s’in laduilen adnang.

Amalekanji dainan hangleji, Nami bo surda annual-beran: Iten a tanakudan anabdaina tiyte? D’ongan orde Janggardan? Buten dainate – Kitungan orde Sonuman, kan bo surda? A jardinna Mojes a s’lingan butente alangkaban, abmele. Kan ate ranadun ted Josuan kun ayamling, bindo Mojes a janggardan aranaptin, lanangkaban saring daina dele.

Seletten anin gamihten: nes Jirubabil amangban GAMANGtungan a bernan deda kani: Ranadun batte ted, ranaptin batte ted, bindo Janggarda-Hen maih batte. Kanate kuduai kuduaianji a GAMANGtungan gamte” Nami janang Kitungan amangba tiridsinaba (Galantian 5:16).

Tanahimdam Kitungan a onagji, baru a langkaban yiraiba. Do marid a berna Marid Bibolan saring. Amben aboi aboi karda sattan akinoldong, bindo jaru anogalan batte barij j’eben batte. Amben tiridsilen Kitungan a bernan, engale daina kaban ambrij.

Okiy Kinolbe absele: “Iten asan gam1enden dajing mandranji Kitungan a Janggardan batte’ anabanjengan deteji, aninji Kitungan a onggeronanji na” (Romi 8:14).