Oct 01 – BAROBBAR RERO

Mathai 5:48 Swargema thamar Bap kharo chaju, tham sada puro kharo renu.

Bap Dev sey tharikama barobbar cha. Yesu Prabhu asmanethi dharthipar aayojako apan kukan barobbar venu ko vu vaaten vathayena ayocha. Hannu barobbar vethanu vu Prabhu Yesu avajana vothi bhalan jayervasuj apanen vu Dev balayocha.

Ma Yesu Christhur dappema dappa ghalan chalnu vor vatema barobbarethi chalan javunu kajako vunder jeevaner vuddesham Kan  massaj admi bhulgecha. Jethi vunder jeevanen naamke vaasthu banchan haal vejavu karacha. Jethij vunden yek disha nirdesha cheniju  gachab Dev dinojako vagathena haal karnaku karacha.

Colossivalun 1:28 vachanema chaju Aposthal Paul heryek manikyani Christhu Yesuma puro vaddajer nai thamadena, vonaj ham prachar karan, Heryek manikyani akkal Ken, Heryek manikyayi soli genethi vor barema prachar karrochu Kan ko.

Barobbar rero katho apaner sey chal chalanima Yesu Christhur nai chalan vu Prabhur vumpar adharpadan jayeroj. Yee thara thu Yesu Christhur sayaama dadi daadi badlavni vero seeklenu.

Apan barobbar vero kajako yee dharthipar rajathra dadaj koni panan hamesha rero vu rajyamema vassajethanu rero yek heva cha.

Ajji jada dyan karen pado Ephesivalun 4:11-13