Oct 01 – THIK!

Matthew 5:48 “itu karone apuni hobo thik, jinika Baba swarg te ase thik”.

Baba swarg te ase thik sob phine pora. Putro Isor laga, Jisu Krista, ahishe niche swarg pora dikhabole ami khan ke ki kinka amikhan hobo paribo thik. Hoi, ami khan ke matishe hobole thik; thik hobole aru bodli koribole jinika Jisu din te Tai aha laga.

Bishi ase jun khan najane kadam khan ke Isor Jisu laga; na tai khan jane ki poila uddesh jibon laga ase piche koribole Tai laga kadam khan ke. Tai khan jiyai tai khan laga jibon kesadharan Isai hisab te, iku uddesh nathaki kene aru hekh kore galat rasta khan te. Tai khan phelai Isor laga uddesh ke nirmaan kora ke tai khan ke, jinika tai khan jiyai iku rasta aru manzil nathaki kene.

Jitya Chela Paul ke matishe seva koribole Isor ke, tai spah pora bujishe manzil ke tai laga mantralay laga, ki itu ase loi jabole sob manu ke Krsita te,a ru dikhabole tai ke thik Krista Jisu te. Tai koi, “Tai kea mi khan prachar kore,  hoshiyar kore sob manu ke aru sikhai sob manu ke sob gyan te, ki ami khan dikhabole lage sob manu ke thik Krista Jisu te” (Colossians 1:28).

Thik hoa matlab tu dikhabole ami khan laga jibon ke piche thaki kene adot khan te aru kaam khan te Isor Jisu laga, aru nirbhar koribole Tai te pura. Apuni sangharsh koribo lage punchibole utu jag ate.a ru apuni ke lage bodli hobole hodai din laga hisab te, Tai laga roop te.

Apuni laga akha itu nahoi juntu khotom hoi jabo itu prithibi logote. Itu nahoi inika juntu amikhan phealbole lage kha te aru piya te. Itu nirantar thakibo hodai din karone. Jun khan bodli hobole mon jai roop te Krista laga, thakibo hodai din laga akha ke tai khan te.

Pobitro kotha te koi, “hoilebi ami khan jane ki jitya Tai ke dikhabo, ami khan hobo Tai nishina, kilekoile ami khan dikhibo Tai ke jinika Tai ase’ 91 john 3:2). Sob jon jun khan inika akha ase, sapha koribo tai khan ke aru hobo pobitro, jinika Isor ase pobitro.

Isor laga bacha khan, bonabi ekta thik bhabna hobole usor Isor Jisu logote. Lagi thakibi Tai logote aru hobi tagot Tai te. Judi apuni berai hodai din lok pai kene apuni laga hath logote Isor laga thaki kene, apuni hobo bodli Tai laga roop te aru hobo thik.

Aji dhyan koribole laga pobitro kotha tu hoile Ephesians 4:11-13 “kintu sajjit kora pondit khan ke kaam karone mantralay laga, kintu sampadana gau Krista laga, jitya tok  ami khan sob ahe milap te biswas laga aru gyan ke Putro Isor laga te, hobole thik manu, napi bole unchata ke bharpurn ke Krista laga.”