Oct 02 – THIK PUNARUDDHAR!

Jeremiah 31:25 “kintu Ami trikshna korishe bhagor laga atma ke, aru Ami punaruddhar korishe sob dukh kori thaka atma khan ke (Jeremiah 31:25).

Ami khan dikhe hazar bhagor aru dukh thaka atma khan ke itu prithibi te. Tai khan ase bhagor hoi kene bishi karon nimite. Bishi ase jun khan pidhit ase rog khan pora aru hari ken ease jibon pora. Tai khan bhabna kore ki tai khan joldi morile hi bhal hobo. Tate ase manu khan jun khan bhagori ase bhar te tai khan laga dhar khan te. Tate bishi maiki khan ase jun khan napare bhugibole gau laga atyachar ke tai khan laga sharabi mota khan pora.

Jitya bi apuni iku samasya tea he, apuni khan itu ke lobo nalage apuni laga kismet ase koi kene, jinika adha prithibi bhabna kore. Apuni khan hoilebi ahibo lage Isor te pura akha te,a ru Tai pora hosabi modot koribo apuni ke. Tai pratigya dishe trikshna koribole bhagoria atma ke aru punaruddhar koribole sob dukh te thaka atma khan ke.

Isor dhale nadi ke jiyai thaka pani laga sob pyasa atma ke, aru bhari borokhun sukha mati te. Tate iku chamatkar nai Tai koribo napara. Manu logote itu hobo napara; hoilebi Isor karone sob kaam khan ase para laga. Itu karone, sabi Tai ke biswas te.

David saishe Isor ke aru anondo te koishe: “Apuni tayar korishe maze tea mi laga agete maujudgi tea mi laga dushman khan laga; apuni abhishekh korishe ami laga matha ke tel logote; ami laga cup bhorta hoi gire” (Psalm 23:5). Hosabi, Isor bhorta kore apuni ke Tai laga uttamta pora. Tai ase bharpurn Tai laga jun bhorta kore sob te (Ephesians 1:23).

Jitya Isor Jisu jaishe shadi laga utsab te Cana te, tate thakishe dagras napuncha. Aru ki korishe Isor pora,bhorta koribole utu napungcha ke? Tai hudishe tai ke bhorta koribole pani laga jar khan ke pani logote. Aru tai khan bhorta korishe itu laga mukh tak (John 2:7).  English translation te sapha pora likhi kene ase bhorta kora ke mukh tok. Isor pora bhorta koribo apuni ke bi itu nishina hi;a ru apuni bhorta hobo thik ashirbaad khan logote; Tai pora bonabo hosabi ki apuni bhorta hobo dagras aru anaj logote.

Peter dishe  tai lagan au ke Isor Jisu ke, ki Tai prachar koribole utu nau pora. Itu homoi hi thakishe, jitya tai pura bhagor te thakishe atma te, kilekoile tai iku maas panai iman kuchis kra pichete pura rati. Hoilebi Jisu prachar kora pichete, tai dhuribole parishe dangor ginti laga maas ke, aru tai khan laga jaal phati thakishe. taikhan bhorta korishe duita nau ke tai khan laga maas dhora pora,a ru tai khan lagan au dhubi bole thakishe.

Tai khilaishe hazar manu ke bi jun huni thakishe Tai laga shiksha ke tin din karone, ashirbaad kori kene aru bhag kori kene panchta ruti aru duita maas logote. Toh tai khan sob khasihe aru hoishe bhorta,a ru tai khan loishe barohta tokri ke bachi ja khana pora.

Isor laga bacha khan, aji bi Isor icha kore bhorta koribole apuni ke mukh tak Tai laga thik ashirbaad logote.

Aji dhyan koribole laga pobitro kotha tu hoile Deuteronomy 33:3 “hoi, Tai morom kore manu khan ke; sob Tai laga pondit khan ase Apuni laga hath te; tai khan bohe Apuni laga theng te; sob jon pai Apuni laga kotha ke”.