Sep 29 – ADBHUT SAWAL!

Matthew 13:54-57 “tai khan achurit hoishe aru koishe, “Kote pora itu manu paishe gyan aru itu mahaan kaam khan ke? Itu nahoi utu kathmistri laga lora? Toh tai khan biya paished Tai ke”.

Nagar te Nazareth laga, jote Jisu dangor hoishe, tate thakishe ekta dangor torkabazi Tai laga pehchan uporte. Tai khan sob sai thakishe Jisu ke prithibi laga phine pora. Tai khan sob biya paishe tai ke aru koishe, “itu nahoi utu kathmistri laga lora? Ki Tai laga ama ke Mary mate nahooi? Aru Tai laga  bhai James, Joses, Simon aru Judas nahoi? Aru Tai laga boini khan, ki tai khan sob ami khan logote ase nahoi?” hoilebi tai khan chinibo paranai Tai ke ekta Trankarta nahoilebi Messaiah koi kene.

Tate ekta purana jati thakishe South America te; bishi biya adot logote;a ru iku sampark nathaki kene prithibi logote. Thik poshan nathaka pora, bacha khan murija utu jati te bishi thakishe. morija bacha khan dangor manu pora bi bishi thakishe, tai khan laga biya adot ptoa. Bishi manu khan tai khan ke sikhabole sesta korishe; anibole jankari swasth laga uporte;aru tai khan ke sabhya bonabole. Hoilebi jati manu khan morai diye tai khan ke thir mari kene.

Jim Elliot, ekta manu Isor laga thakishe bishi morom tai khan ye aru icha korisxhe kinika hoilebi modot koribole tai khan ke. Toh, tai jaishe tai khan laga jag ate kunuba Isor laga pondit khan ke  loi kene, icha te kotha kobole tai khan ke Isor laga aru Tai laga morom ke. Hoilebi sob khan ke moraidishe utu jati manu khan pora,a ru tai khan laga gau ke phelai dishe nodi te.

Olop mohina pichete maiki Jim Elliot laga jaishe eki jag ate jote tai laga mota ke morai dishe,a ru shuru korishe prachar koribole susmachar ke, utu jati laga jawan maiki khan laga modot logote. Tai anishe tai khan ke usor Isor laga Calvary laga Kruste; aru sikhaishe tai khan ke khemai utu paap khan laga Krista Jisu dwara. Tai tayar korishe tai khan karone shiksha aru swasth. Itu ekta dangor balidaan thakishe utu maiki laga pungchibole tai khan logote  jun pora moraidishe tai laga mota ke aru anishe tai khan ke itu morom te Baba laga.

Itu pora bi dnagor thakishe morom aru balidaan Isor Jisu laga, Raja Rajakhan laga,a ru Isor isor khan laga thakibole daya manu jati uporte; ahibole niche prithibi te swarg pora; bhangabole papa ru shrap ke bhangabole itu prithibi laga;a ru charibole manu khan ke bhar pora satan laga. Hoilebi prithibi jananai itu hodai din laga yojna ke; tai khan chinibo paranai Tai ke. Tai khan khali dikhishe Tai ke ekta lora kathmistri laga, ninda korishe Tai ke aru hekh te suli chadaishe Tai ke kruste.

Isor laga bacha khan, sobse zaroori udesh apuni laga jibonlaga thakibo lage janibole Krista Jisu ke. Tai loishe roop manu laga aru dishe Nijor ke ekta paap laga balidaan itu prithibi te. Tai ase “Memna Isor laga jun loi jai paap ke itu prithibi laga!” (John 1:29).

Aji dhyan koribole laga pobitro ktoha tu hoile John 20:31 “hoilebi itu khan likhi ken ease ki apuni biswas koribole ki Jisu ase Krista, Putro Isor laga, aru biswas korile apuni thaibo jibon Tai laga naam te”