Sep 24 – JHALDIN BALAYERO

Luka 19:5 Jakkayya thu jhaldi vutharan aajo

Jakkayyana Yesu Prabhu thu haramethi huleekan vutharan heta aajo Kan kokoni. Jakkayya thu jhaldi vutharan aajo Kan balayo. Yesu balayojako balavni vu kamjorer koni pan jhaldin balarocha. Yee balavnin thar thuj garaben cheti karlen halko karlen sweekar karan Yesu Prabhun maanlen vu balavnir vasu kam karer shuru kar.

Samajmema nankis jathevalaj vu Yesu Christhun nammlacha kajako Mando sos Karrecha. Christhuvalema javatho samajmema manna Kam karan dekach kethanu jada manikyavo vunder jathen dekan massaj badai karthey haal vajavajako motpanema bhaljavu karacha. Akharima vo payejako dharathiparer rakashanan shaswithvagi chajako jeevanen gamalacha

Jakkayya vo dadema sunkam vasool karajema adhyaksha vetho kaiko. Lapan Jakkayyana rakshan chavunu katho vu vor badaina pakthin melnaken motpanen chodan Yesu Prabhur vacha avunu. Yek haptha Yesu Christhuna dekatho apanen rakshan devasu asmanen chodan vonvu kamkarlen yee dharathipar aayo. Dever Beta khas bayar nai aayocha. Kunvatho vonvu Kam karlen Prabhu Ma paapi chu,manna madath kar kethanu puchlatho vona Yesu Christhu maap karan rakshan devalo cha.

Yetha sunkam vasool karevalen dekatho vor papen maapi manglesaru vonvu Kam karlen,vor chathin kutlen baapu ma papi chu manna daya dakal Kan ko Jana vor papen maap lelen gharen gokan dekacha.

Prabhu Yesu Jakkayan balayojema jhaldin aayer vagathen dekacha. Yirmia 48:10 vachaner prakar kunvatho Dever kamen asradhavagi karachko vu sarapen lelacha Kan kaju Yesu Baper kamen jhaldin karnu keldo.

Dever beptavo rakshan payer dadenan, abhishemer dadevasun Prabhur dadevasu siddhavagi thayar venu.

Lothu Sodoma Gomorrah mathi aayer thado kido jethi Dever soja vor hath jhallen bhar khenchlen aayo. Hannuj aaj sada yee Malak sari Sodom Gomorrah dakal massaj moto mot baambevuthi angarethi baljayen siddhavagi cha jethij Prabhu suvartha ker kamen badnakoch. Mathai 24:14 Rajyamer yee hach khabar sey jannuna, sakshar nai prachar vacha, vor pacha aakhari avacha Kan vanchacha.

Ajji jada dhyan karen pado  Solomonergeed 2:13