Sep 22 – LANNAIGI KOUBIBA!

“Mahakna yengkhatuna uraduna mangonda asumna hairammi, “ Zacchaeus, thuna kumtharak u.” (Luke 19:5).

Prabhuna Zacchaeus koubiba adu yamna akhannaba ama oirammi. Madu lannaigi koubiba oirammi. Mi mayamna Jesugi matung inaba  tarabasu Prabhuna Zacchaeus bu mahakki mamingda tonganna lannaigi oina koubirammi.

Prabhu asi jagat sangsar apumba bu sembiba mapu oirabasu mahakpu eikhoigi amamam gi Iswarsu oiribani. Mahakna nahakki lannagi punshibu khangbi aduga nahakna thengnariba awaba khudingmakpusu ubiri khangbiri. Aduga mahakna nahakpu mingda koubirakli,nahakki awaba khudingmaktagi ningtamhannaba.

Maduda Prabhuna  Zacchaeusda hairammi, “ madugi unasinggi marakta nahakpu lotpa ngamlaroi, aduga nahak lamja sarani haina khanbasu yararoi. Nahak eigi ichanipani. Masigi taibangpangi yumpham semdringeidagi houna eina nahakpu namagi gharbhanungdagi khangdokpirabani. Nahak eigini. Aduga eisi nanggini.

Ahing amasi, Prabhuna nipamacha Samuel bu koubirammi aduga mangonda wa nganglammi. Madu angang macha Samuelgi damakta khwaidagi haraoba numit oiramgani. Mahak yamna angang oiringeidagi houna mama mapana Iswargi thougan gi damakta ningnasangda thambikhrabani. Adubu   Prabhuna  angang macha Samuelga wari sanaba laklammi,madu mahakna khalludaba pungpham oirammi.

Nahakki thamoi hangdoktuna ningkha tamna Prabhuga nahakki awaba kayasingbu saruk yaminnou. Madu taibangpangi misingga saruk yaminnarurabadi makhoina khudongchaba louduna nahakpu haithigani. Adubu  Prabhuna nahakpu hakthengna na khangbibana maram oiduna mahakna nahakki damakta aphaba adu toubigani.

Mi million kaya leirabasu Prabhuna Nicodemusbu lannaida unabiduna mahakki wahang khudingmak paokhum pibinaba khandokpirammi. (John 3:1-3).  Mahakna Samariagi guha amada phamtharammi, aduga mahakna Samariagi nupi amabu pukning hongba lomda chingsinbiduna anouba punshi pibirammi. (John 4:8).

Prabhuna Bethesda gi pukhrida chattuna chahi kunthra nipal soinaiba oina leiramkhraba nipa amabu thidoklammi. Madugi pukhri adu dut amana hek hek niklambani aduga maduda chongthanaba madugi soinaiba nipa adu maduda chongsinnaba  mahakki mateng kanasu leiramde. Madugi phaibam aduda Prabhuna thoujan ga loinana asumna haibirammi, ‘ “ hougatlo aduga nahakki phamung puduna chatkhro. Madugi angakpa thabak touramba Prabhu aduna nangonda su nungshiba utlibani. Aduga mahakna nahakki damaktasu angakpa thabak toubigani.

Prabhu Jersuna bhut legion puba nipa amagi leipham Gadarense ki mongphamsingda chatlammi. Aduga mahakna mahakpu phahanbirammi. Martha amadi Simon Peterbu anirak hanna koubiramba Prabhu aduna nahakpusu lannaigi oina namingda koubirakli. Mahakki khonjel adu tabigadra?

Dhyan tougadaba: adubu houjikti Jacob nahakpu sembiriba Prabhuna asumna hairi, “ kiganu,maramdi eina nahakpu kanbire,eina nahakpu namingda koubire,aduga nahak eigini.” (Isaiah 43:1).