Sep 18 – ABHAN HOBOLE YOGYA!

Ephesians 4:1 “berabi yogyata te abhan te ji pora apuni ke matishe”.

Itu ase gurutvapurn  ki sob bacha khan karone Isor laga berabole abhan te yogyata te swargya abhan te Isor laga. Isor matishe apuni ke dangor a bhan te; adhikar thakibole hodai dinkarone, swarg laga rajyo ke aru swarg laga utaamta ke. Apuni khan manibo lage Tai laga abhan ke aru mantralay ke, bhorta hobi abhar logote dhonyabad laga achurit morom karone isor laga apuni ke chunibole, aru jiyai thakibi yogyata utu abhan laga.

Isor koi: “ashirbaad ase tai khan junk e matishe sadi laga bhoj te Memna laga” (Revelation 19:9). Shadi laga bara khana tayar ase, hoilebi jun khan ke amantrit korishe nahoi yogya (Matthew 22:8) isor laga bacha khan, ki apuni berai ase yogyate te itu abhan laga?

Dusra, apuni khan koribo lage nijor ke yogyata te susmachar te Krista laga (Philippians 1:27). Isor pora diyanai susmachar ke duth khan ke, holebi Tai biswas korishe apuni ke aru dishe susmachar ke apuni laga hath khan te. Itu karone, apuni jabo lage sob kona te prithibi laga aru ghosna koribo lage susmachar ke. Itu susmachar ke kinishe khun ora Isor Jisu laga krusta Calvary laga. Itu bhanagai milap ke paap laga aru ane anondo ke mukti laga; bhanagai sob bhar ke shrap laga aru ane ashirbaad khan ke.

Chrla Paul pora koi, “kintu ami sorom nai susmachar ke Krista laga, kilekoile itu ase shakti Isor laga maukti karone manu khan ke jun biswas kore, Jews kan karone poila aru Greek khan karone bi” (Romans 1:16). Pobitro kotha mate itu susmachar ke “puhor susmachar laga gaurav te Krista laga, jun ase roop Isor laga” (2 Corinthians 4:4). Pobitro kotha itu bi koi: “kiman sundor ase theng tai khan laga jun prachar kore susmachar ke shanty laga, jun ane khusi leher bhal saman khan laga!” (Romans 10:15).

Tisra, apuni khan berabo lage yogyata te apuni laga abhan laga swarg laga rajyo nimite. Uddharan te, jun khan jai Singapore te, dibo lage nijor ke niom aru karoon te utu desh laga. Nahoile, tai khan ke faisla lobogalti khan nimite; tai khan ke dandit koribo; aru pothai dibo tai khan laga desh pora. Judi inika ase, ekta desh te itu prithibi laga, tinti hoilebi kiman bishi yogyata ami khan hobo lage nijor te mahanta karone swarg rajyo karone!

Pobitro kotha te koi, “ashirbaad ase dukh atma te, kilekoile tai khan laga ase rajyo swarg laga” (Matthew 5:3). Judi apuni thake nomrota logote aru sadharana te, Isor pora dibo apuni ke anugrah;a ru utu anugrah logote apuni pabo rajyo ke swarg laga. Isor ase mati kene pura morom logote Tai laga aru koi, “ahibi, apuni ashirbaad ase Ami Baba laga, pabi rajyo ke tayar kori kene thaka apuni karone nirmaan pora itu shrishta laga” (Matthew 25:34).

Aji dhyan koribole laga pobitro ktoha tu hoile Daniel 7:18 “hoilebi pondit khan sobse uncha laga pabo rajyo ke aru lobo rajyo ke hodai din kaorne, hodai hodai nimite”.