Sep 15 – ABHAN UTHIBOLE!

Mark 10:49 “uthibi, Tai mati ase apuni ke”.

Bartimaeus jun bohi thakishe rasta laag kinarte  poila khara korio lage tai laga alsi pora. Tai uthibo lage dhula mati pora, aru bikh manga laga stithi pora. Tai uthibo lage andha hua pora.

Ami khan Isor mati ase ami khan ke bi uthibole ami khan laga bhagor pora; hilai kene phelabi dhul ke, khulibi ami khan laga pankha ke aru uribi swarg khan te jinika siloni ure; uthibi  aru pabi uphar khan aru tagot ke, untu Tai rakhishe bachai kene ami khan karone.

Jitya prodigal lora ahishe tai laga hosh te, tai koishe, “ami uthibo aru jabo ami laga baba logote’, aru jaishe tai laga rasta te” (Luke 15:18-19. Tai uthibo lagishe gahori khan pora;a ru tai laga prithibi laga icha khan pora.a ru tai uthibo lagishe ahibole usorte morom te Isor Jisu laga.

Isor Jisu ahishe niche prithibi te khali bisaribole aru bachabole hari ja khan ke. Aji ki apuni bi bhigi ase bhar te aru dukh te paap laga; shrap pora aru rog khan pora? Isor di ase Tai laga duita hath bi aru koi ase, “ aru tai jun ahe Ami te Ami kitya bi bi tai ke bahar jabo nadibo” (John 6:37).

Isor mati ase sob ke jun khan komjur ase tai khan laga atmakarik jibon te, uthibole. Ki ase motlob gumabole, jitya Susmachar ke dorkar laga prachar koribole iman taratari te? Pobitro kotha te koi, “ami kaam koribo lage tai laga jun pothaishe Ami ke jitya din ase; rati ahi ase jitya kun bi kaam koribo naparibo” (John 9:4).

Pobitro kotha te itu bi koi, “uthii, apuni jun ghumai ase, uthibi mora pora, aru Krista pora dibo apuni ke puhor”. (Ephesians 5:14). Itu kilekoile ghumai thaka pora hi ase ki Samson haraishe tai laga tagot ke. Eutychus , girishe tin tala pora aru morishe, kilekoile tai laga gehra neendh proa. Nabi jonah ke uthaishe tai laga neendh pora aru matishe  prathana koribole gentiles khan pora nau jahaz te. Nabi Elijah  ke uthaishe ghumai thaka pora ekta duth pora, loole khana aru dubara dibole tagot ke. Apuni jabo lage bishi dur,a ru Isor pora koribo dangor kaam khan ke apuni dwara. Itu karone, uthibi apuni laga neendh  pora.

Isor ase mati kene Tai laga Dulhan ke ‘uthibole’. “uthibi, ami laga morom,a mi laga boga jon,a ru ahibi. Sabi thanda din jaishe, borukhun bi paar hoishe aru jaishe. Dimoru gash khan te lagi ase hara dimoru,a ru lota khan te lagi ase kumolia angur di kene mitha gun. Uthibi, ami laga morom, amilaga boga jon, ahibi!” (Song of Solomon 2:10-11, 13).

Isor laga bacha khan, chin khan isor dinlaga gawahi ase sob jaga te. Sob drishti khan paar hoi ase. Ki ami khan sob uthibo aru jabo lok koribole Isor ke?

Aji dhyan koribole laga pobitro ktoha te  hoile Isaiah 52:1 “uthibi, iuthibi! Lagabi apuni laga tagot, o zion”.