Sep 14 – PANGGAL KANKHAT HANNABA KOUBIBA!

“nunaijaro… nahakpu koubire.” (Mark 10:49).

Mittangba  Bartimaeusta koubirambasinggi ahanba wahei adu masini, “ nungaijaro, nahakpu koubire”. Madu pukning lumba oiyu, natraga thouna leiyu haibasu yai. masigi wahei asina Bartimaeus ta asa pibirammi, aduga mahakki thamoigi damakta thajaba adusu pibirammi. Masigi wahei, “ thouna leiyu” , asina mahakpu mimannadabadagi khudingmaktu touba ngamba mi oina honghanbire. “ eihak karisu touba ngamde hairamba nipa aduna houjikti eihak khudingmak touba ngamle hairakle. Eihakpu panggal happiba Christagi mapanna khudingmak touba ngamle.

Moseski matungda Iswarna Joshuabu Israel machasingbu lamjinghanba pamlammi. Jati taret amadi ningthou kuntharamathoi adugi maiyokta Joshuatana Israel machasingbu chingbigadaba oirammi

Aduna Iswarna Mosesta yengduna asumna hairammi, “ Joshua bu thougatpiyu, maramdi mahakna Israel apumbasi wasakpiba lam aduda youhangani.” Mosesna Joshuagi mathakta khut thamba matamda, mahakpu lousinggii thawaina pik thallammi. (Deuteronomy 34:9).  Hoi, Iswarna mahakki manaisinggi mapanna panggal happibani.

Anisubada, Iswarna eikhoibu mahakki dutsinggi mapanna thougatpibani. Makhoidi aran khubam phanggadabasingbu thougal touna mahakna thaba thougal touriba thawaising nattra?  (Hebrews 1:14). Matam amada Daniel adu chokthrakhi,aduga Iswarna mahakki dutsing thaduna asumna hairammi, “ He yamna nungshi chanbiraba mi, kiganu. Nahakki thakta ingthaba oisanu, nahak panggal kanba oiyu, hoi kanba oiyu. !” (Daniel 10:19). Aduna Daniel adu mapanggal kankhi aduga asumna hairammi, “eigi Prabhuna wa ngangbiro,maramdi nahakna eingonda panggal pibire.  ”

Ahumsubada, ichin inaosingna eikhoibu thougatpibani. Kanbiba phangkhraba Iswargi mi oikhraba khudingmakti eikhoigi ichin inaosingni. Yengu,eikhoigi ichin inaosingna amata oina leiminnabasi kayada phajakhrabano? Masi thao noibikhraba, Aarongi koirangsingdagi chentharakpa aduga mahakki phijonda chenthaba gumbani. Masi Hermongi chingdagi Ziongi mathakta chentharakpagumbani.” (Psalm 133:1-3).

Sastrana hai, “mi khudingmakna masagi keiroi leikaibu mateng pibirammi, aduga, aduga machin manaoda asumna hairammi, “ thouna phou.” (Isaiah 41:6).  Prabhunasu makhoibu machin manao koubada ikaiba leite. (Hebrews 2:11).

Aduga iroi loibada,mamal yamlaba Prabhu Jesu Christagi nungshiba aduna eikhoibu panggal happire. Cross ta pang tingba matungda  seboksing mayam adu mapanggal pum loi loiramkhre.  Adubu Prabhuna makhoida changduna panggal kankhat halammi. Mahakki yotpina thinkhraba makhong  makhutta yotpi makhun sing adubu yenghallammi. Maduda makhoi adu Calvarygi nungshiba aduda pum than thallammi. Aduga makhoina Prabhuda achetpa thajaba leirammi. Iswargi machasing, ngasisu Prabhu Jesugi makhong makhutki dakphamsing aduna eikhoibu panggal happiribani. Aduga eikhoibu pukning lumhanbiri.

Dhyan tougadaba: “adubu Davidna masana masabu Prabhuda mapanggal hapcharammi.” (1 Samuel 30:6).