Sep 06 – SHAWITH MAHIMAR BALAVNI

1 Pethru 5:10 Christhu Yesuma apanen voro shaswith mahimavas balayojako soli kruparo Dev, thodsek dad bhaveti parejako thamena, vuj barobbar karan, ghat karan jor kareda.

Dev apanen pavitharan shanthiran shaswith mahimavas balayocha. Devethi talaan balamangayero kathra moto vath? Yee dharathiparer ashisen yekkaj payer vasuj koni lapan shaswith ashisen devasuj balayocha. Thona shaswithvagi mahimathi bharan hamesha vor sath rejavaju vuncho lejavnu kajakonaj Dever vuddes ven cha.

Yek dad paradeshir paral janner nai vethejako apanen vor sonth janner nai balayocha.Prabhu apanen vor loyeethi dhonaken niyathedhar karnakocha. Prabhu apanen vor gharemar admir nai karmelocha. Maro bhayi kanan maro dosthidhar kanan ajji vor sath sahavas karevaler nai balarocha. Abba Maro Bap Kan balayero betar Athmana demelocha. Maro Premevalavo kanan maro priyathama kanan ajji Mar navleri kanan balayero aji kathra moto achamero khabar kunika.

Kunvatho apanen balayochko vu Prabhu apaner namen voro jeevaner Kithabema lakkamelocha. Asmanen jaan vu Prabhu apane vasu kotavuna vassesaru bhandrocha. Vuj Prabhu Vor mahjmar sayaama apanen baldlanakacha. Dhudemathi thayar kidojako yee jeevadana mahimathi bharnakacha. Ajji apan shaswith vagi vu mahimaro Rajer sath rejamacha.

Daniel 12:3 vachanema Bhakthidhar Danielen genidhar asmanemar vajaler nai jhankacha, kun jada manikyan Dever niyather vatema chalavachko vo asmaner tharar nai jhanku karacha. Hava hapan hameshathi hamesha Prabhur sath jhankuj karacha. Yee shaswith vagi payer mahima. Yee khabaren aratham karlen dhanyavad kero dallethi Deven stuthi karechika?

1 Thessalonika 2:11-12 vujji vor rajyena mahimana thamena balayojako Devena, tham chajaju chaljavnu Kan Bap vor beptana kaju,ham thamena heryekeni akkalenan, himmathenan, jathanethi rena kejako thamena  malam karlo Kan Aposthal Paul kerocha.

Ajji jada dhyan karen pado Ephesivalun 4:1 Jethi Prabhur vasu bhandojako ma thamena derojako akkal kaikatho tham balaldejako balavnina chajaju chalo