Sep 05 – SHANTHIR BALAVNI

1Corinthivalun 7:15 Samadhanethi renaj Dev apanen balayocha.

Yee jagema chajako jada katmalema Dever shanthin dekeni jethi samadhanen gamalen banchrecha. Yekkaj gharema Dhanin gonni doi vyarir nai ladai maru karacha. Thodsek manikya vunder gharema adugu melersath galati karer athmathi bharan jorethin reesethi barakathani aatethi vathe karer bhar avajena deku karacha. Ye gharema yekken yek mar kutlen nankis vatheni anumana karukaracha.  Lapan apan sejini Dev vor samadhanen devasu balamelocha.

Apanen Devaj samadhanen paarrijako jeevaner nandir panir nai devunchu Kan keroch katho vu kathra nasheeb!. Jethij Yohan 14:27 samadhanen thamena dedena jarochu, Mar samadhanenaj thamena derochu,jagathi daju Ma thamena derokoni, thamar dall ghabrayeniju, chamkeniju reda Kan Prabhu Yesu ko. Yeshaya 9:6 vachanema vu shanthin devalo Raja Kan vanchacha. Thar jeevanema kassek vela bhavetithi rathoi Prabhu mathram thona ma samadhanen duchu Kan himmath derocha. Romavalun 8:6 jeevadar vadir sos moth, pan Athmar vadir sos jaan Ann samadhan Kan kacha. Vuj Romavalun 12:18 vangavathra sey manikyar sath shanthithi ro Kan Prabhu kerocha. Luka10:5 vachanema chaju Dev vor jannen ashis kareni aanga shanthin devalo cha. Dever sevak sada shanthithi renu kanaj jannen ashis karacha. Jethi Prabhu vor chelavuna tham ker gharen javothoi vo gnaren shanthi ayed Kan ko .

Romavalun 15:33 samadhaner Dev thamar ser sath riye. Amen Kan Aposthal Paul sey kagadevaun mugsoju dekacha. 2 Corinthivalun 1:2 apaner Bap Devethin Prabhu Yesu Christhuthi thamena krupan samadhan veda Kan ashis kido. 1 Thessalonika 5:23 samadhaner Devaj thamen puro pavithar kariye Kan vanchacha.

Ajji jada dhyan karen pado  Ephesivalun 2:14,16